كفتة الحاتي
23٬918 مشـاهدة
منذ 3 سنوات
كفتة الحاتي من أفضل الأكلات لأطفالنا بس دايما عدم ضمان جودتها بنخاف نشتريها النهاردة الهانم هتقولك إزاي تعملي كفتة أحسن من الحاتي
#أسرارالهانم #قصة تانية_خالص
حضــــــــري
نصف كيلو لحم ضاني مفروم خشن
ملعقة صغيرة دهن (ليّة) عشان تبقي بنفس مزاق الحاتي
ملعقة سمنة الهانم
بصلة متوسطة مبشورة
حبّة طماطم مقشرة ومفرومة
2ملعقة خل أبيض
3 ملاعق بقسماط ناعم
بهارات
لحم
فحمة
الـطــريـقـــــة
خـطوة 1
اخلطي المكّونات كلهم مع بعض معاده البصل والطماطم المبشورين.
خـطوة 2
قلبيهم كويس وبعدين حطي الخليط في الثلاجة 15 دقيقة قبل التسوية.
خـطوة 3
حضري أسياخ معدن أو خشب للف الكفتة، وبعدين بللّي ايدك مع كل صباع كفتة في مية البصل والطماطم.
خـطوة 4
كرري الخطوة دي لحد ما تنتهي كمية اللحمه المفروم.
خـطوة 5
في التسوية ممكن طرقتين علي الفحم بشكل مباشر او ممكن تسويها في الفرن على الشواية، وبعدين خرجيها ولفيها بورق الفويل وهي سخنة وحطي معها قطعة الفحم المولعه وسبيها لمدة 10 دقائق تاني في الفرن خرجيها من الفويل بعد ما تاخد ريحة وطعم الشوي ع الفحم رصيها في طبق مفروش بالبقدونس وقدميها سخنة مع السلاطات والعيش
وبالهنا والشفا على قلبك يا هانم.
