"وصفة جديدة من ريحة إسكندرية".. جربي كشك اسكندراني بالجمبري - El Hanim وصفة طريقة عمل

"وصفة جديدة من ريحة إسكندرية".. جربي كشك اسكندراني بالجمبري

اعجــاب
1٬570 مشـاهدة
منذ سنة واحدة

 

طريقة عمل الكشك الاسكندراني

في اسكندرية الأكل دايمًا مختلف وله طابع خاص، فلو نفسك في الكشك وعاوزة تعملي أكلة حلوة وليها مزاج، الهانم جايبة لك وصفة جديدة من ريحة إسكندرية، جربي طبق الكشك الإسكندراني بالجمبري طعمه يجنن ومفيد لنمو مخ وأعصاب أطفالك.

حضــــــــري

٢ ملعقة كبيرة سمنة الهانم

٢ كيلو جمبرى

٢ كوب طماطم مسبكة

١ بصل كبير ومفروم ناعم

٢ كوب لبن

٤ ملعقة كبيرة دقيق

٢ كوب شوربة قشر الجمبرى

ملح وفلفل

مستكة

حبهان

كمون

١ جزر

١ بصل شرائح رفيعة

الـطــريـقـــــة

خـطوة 1
اغسلي الجمبري كويس وقشريه، بعدها شوحي قشر الجمبري على النار مع بصلة وفص مستكة والجزر والحبهان، وسيبيه يغلي على النار لمدة نص ساعة.
خـطوة 2
صفي شوربة الجمبري كويس ودوبي الدقيق في اللبن.
خـطوة 3
حمري البصلة المفرومة لحد ما يبقى لونها دهبي، وحطي عليها شوربة الجمبري والصلصة والملح والفلفل والكمون والجمبري وسيبي الخليط يتسلق لمدة ٧ دقائق.
خـطوة 4
نضيف للخليط اللبن والدقيق ونقلبهم لحد ما القوام يبقى متماسك، ونحمر شرائح البصل في سمنة الهانم.
خـطوة 5
قدمي الكشك الإسكندراني بالجمبري سخن وزيني وش الطبق بشرائح البصل.

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً