كبسة الفراخ
555 مشـاهدة
منذ 3 سنوات
الهانم لازم تبقى عارفة كل الأكلات العربية الأصيلة، جربي طريقة كبسة الدجاج الخليجي بطريقة الهانم الجديدة خالص.
حضــــــــري
دجاجة متقطعة ٤ قطع
۳ كوب أرز بسمتى مغسول ومنقوع في مياه مغلية
نصف كوب زبيب
۲ حبة بصل مفرومة
۲ ملعقة معجون طماطم
۲ طماطم مهروسة
ملعقة كبيرة سمنة الهانم
ملعقة زيت كبيرة
ملعقة صغيرة بهارات
۱ ليمون أسود مجفف
نصف ملعقة كزبرة جافة مطحونة
رشة كمون
ملعقة صغيرة كركم
٤ حبات حبهان
رشة قرنفل مطحون
۲ ورق لورا
۲ عود قرفة
ملح وفلفل
۲ كوباية مياه
الـطــريـقـــــة
خـطوة 1
في طاسة على النار ضيفي سمنة الهانم وبعدين ضيفي البصل وقلبيه لحد ما يدبل.
وبعدين ضيفي الدجاج وشوحيه مع البصل لحد ما يبقى لونه ذهبي.
ضيفي معجون الطماطم والطماطم المهروسة والبهارات ونصف ملعقة من الكركم واستمري في التقليب لمده من ٥ لـ ۱۰ دقايق.
ضيفي المياه ووطي النار وسيبي الفراخ تستوي.
خـطوة 2
سخني الفرن على درجة حرارة ۲۰۰.
حضري حلة صغيرة وحطي فيها الزيت وضيفي نصف ملعقة كركم وقلبيها شوية واطفي النار.
صفي الدجاج من المرقة وحطيه في صينية وادهنيه بالكركم مع الزيت، دخلي الفراخ الفرن لمدة ۳۰ دقيقة.
خـطوة 3
حطي سمنة الهانم في حلة على النار وأول ما تسيح نضيف المياه لحد ما تغلي وضيفي الأرز البسمتي وغطيه بمرقة الدجاج، ضيفي الحبهان وورق لورا وعود قرفة والليمون الأسود والزبيب مع الأرز.
ونقلب لحد ما يغلي ونغطي الأرز على نار هادية خالص لحد ما يستوي.
خـطوة 4
قدمي الكبسة في طبق كبير مفرود ورصي الفراخ فوق الأرز مع سلطة الزبادي بالخيار.
