قرع محشي بالأرز
259 مشـاهدة
منذ 3 سنوات
لو أطفالك بيفقدوا تركيزهم ومحتاجة وصفات مفيدة للتركيز، القرع هو الفاكهة اللي انتي بتدوري عليها..
حضــــــــري
١ كيلو لحم مفروم
١ قرع كبير
١ بصل كبير
١ فص ثوم
٢ كوب ماء
١ كوب أرز مغسول
نصف كوب بسلة
نصف كوب جزر متقطع مكعبات صغيرة
١ معلقة كبيرة زيت
نصف ملعقة صغيرة ملح
نصف ملعقة صغيرة كاري
نصف ملعقة صغيرة قرفة
نصف ملعقة صغيرة هيل مطحون
نصف ملعقة صغيرة كزبرة مطحونة
نصف ملعقة صغيرة فلفل اسود
الـطــريـقـــــة
خـطوة 1
نفرم البصلة ونقليها في الزيت ونضيف معاها الثوم، نقلبهم كويس لحد ما يبقى لونهم أحمر.
خـطوة 2
نضيف اللحمة المفرومة مع البهارات ونقلب الخليط كويس وبعدين نسيبها على جنب.
خـطوة 3
نسلق الأرز في المياه والزيت لحد ما يبقى نص سوا وبعدها نضيف اللحمة.
خـطوة 4
نخلع رأس القرع بالراحة ونشيله على جنب وننضف القرع من البذر والألياف بالملعقة، نتبل القرع من جوه بالملح والفلفل الأسود وبعدين نحشيه باللحمة والأرز.
خـطوة 5
نجيب صينية ونحط فيها كوب مياه ونضيف فيها القرع وندخله الفرن لمدة ساعتين.
خـطوة 6
نخرج القرع من الفرن ونحطه فوق خلطة الأرز المستوي.
خـطوة 7
قدمي القرع محشي بالأرز سخن ومعاه شوربة لسان العصفور.
