فول حراتي بالدمعة
351 مشـاهدة
منذ 3 سنوات
كلنا عارفين الفول الحراتي اللي بنقزقزه زي اللب ونخلص كيلو في قعدة، تعرفي أنه ممكن يتطبخ ومفيد جداً لصحة عيلتك ومناعتهم في الشتاء.
جربي وصفة جديدة خالص مع الهانم للفول الحراتي بالدمعة.
حضــــــــري
نصف كيلو فول حراتي رومي ومتفصص
نصف كيلو طماطم متقشرة
بصلة متوسطة مفرومة
۱ ملعقة سمنة الهانم كبيرة
۲ ملعقة زيت كبيرة
۲ فص ثوم مفروم
نصف ملعقة بهارات مشكلة
نصف ملعقة كزبرة ناشفة
ملح وفلفل أسود
۱ كوب ماء
الـطــريـقـــــة
خـطوة 1
حطي الطماطم في الخلاط وإهرسيها واحدة واحدة.
خـطوة 2
هاتي حلة على نار متوسطة وسخني فيها السمنة والزيت، وضيفي عليهم البصل لحد ما يتشوح.
خـطوة 3
ضيفي الثوم وقلبيهم لمدة دقيقة، وبعدين ضيفي الفول والملح والفلفل الأسود والبهارات والكزبرة، وقلبيهم مع بعض لمدة ٥ دقائق.
خـطوة 4
ضيفي عصير الطماطم وسيبيه شوية لحد ما يغلي، وغطي الحلة وسيبيها لمدة ١٥– ٢٠ دقيقة لحد ما الصلصة تتسبك.
خـطوة 5
ضيفي المياه وسيبي الفول يستوي على نادر هادية لمدة ٤٥ – ٦۰ دقيقة.
خـطوة 6
قدمي الفول ومعاه طبق سلطة خضراء وزينيه بالريحان.
