وصفة و5 معلومات ماتعرفيهاش عن الخُبيزة.. "آخر واحدة مهمة جدًا لكل هانم عندها أطفال"
5 معلومات ماتعرفيهاش عن الخُبيزة..

5 معلومات ماتعرفيهاش عن الخُبيزة.. "آخر واحدة مهمة جدًا لكل هانم عندها أطفال"

اعجــاب
1٬357 مشـاهدة
منذ 6 أشهر

لو إبني عنده أنيميا ومش بيتغذى كويس.. أعمل إيه؟

5 حاجات ماتعرفيهاش عن الخُبيزة.. الأخيرة هتبهرك

وصفة للخبيزة” هتعجبك

تعتبر الخُبيزة واحدة من أشهر الأكلات المصرية الأصيلة، وهي من  الخضروات الورقية اللي بينصح بيها الأطباء عشان فوايدها الكتير، كمان المصريين اعتمدوا عليها كواحدة من العلاجات المهمة، ومن ضمن فوائد الخبيزة اللي ممكن كتير مننا مايعرفهاش:

فوائد الخبيزة

1- تخفيض الكوليسترول

ورق الخُبيزة غني جدًا بالألياف الغذائية، عشان كدة هي مفيدة لصحة القلب، والسيطرة على مستويات الكوليسترول في الدم.

2- الخُبيزة مسكن لالتهاب الحلق

بتحتوي أوراق الخبيزة على مركبات مشتقة من المواد المضادة للأكسدة، ودي بتساعد في مكافحة أمراض الجهاز التنفسي، وتهدئة أعراض التهاب الحلق والشعب الهوائية.

3- بتساعد على انخفاض ضغط الدم

أوراق الخبيزة غنية بالبوتاسيوم، اللي بيلعب دور مهم في توازن الصوديوم والأملاح في الدم، وبالتالي بيحمي من ارتفاع ضغط الدم وبيحافظ على مرونة الشرايين.

4- فوائد الخبيزة لاضطراب الجهاز الهضمي

عشان الخبيزة مليانة بالألياف الغذائية، فهي مفيدة جدًا في حالات الانتفاخ أو الإسهال وبتحافظ على الجهاز الهضمي، لأنها بتساعد على امتصاص السوائل الموجودة في الأمعاء، ودا بيساعد في هضم الأكل بسهولة.

5- الأنيميا والخُبيزة.. “لكل هانم بتعاني من سوء التغذية مع طفلها”

ولأن كل الأمهات بيشتكوا دايمًا من مشكلة الأنيميا مع أطفالهم، فالخبيزة حل كويس جدًا لمشكلة الأنيميا، عشان لها خصائص علاجية في أمراض سوء التغذية وفقر الدم، لأنها بتمد الجسم بكميات كبيرة من عنصر الحديد، اللي بيساعد على إنتاج الهيموجلوبين في الدم.

وصفة الخبيزة  

لو طفلك عنده أنيميا ومش بيتغذى كويس، جربي مع الهانم وصفة الخبيزة الغنية بالحديد بطعم وريحة الزبدة الصفرا، علشان طفلك يستفيد بفوايدها، وصحته ترد عليها.

حضــــــــري

١ كوب سمنة الهانم

٢ حزمة خبيزة

١ حزمة سلق

١ حزمة شبت

١ حزمة كزبرة

ربع كيلو أرز

٤ فص ثوم مفروم

1 بصل متقطع

٢ كوب شوربة

ملح وفلفل أسود

الـطــريـقـــــة

خـطوة 1
اقطفي الخضار واغسليه كويس جدا، وبعدها قطعي الكزبرة والشبت رفيع جدا.
خـطوة 2
اسلقي الخبيزة والكزبرة وبعدها اضربيهم في الخلاط مع شوية شوربة.
خـطوة 3
اسلقي الأرز في باقي الشوربة ورشي عليهم ملح وفلفل أسود، ونضيف عليهم خليط الخبيزة والكزبرة ونقلبهم مع بعض كويس لحد ما الأرز يستوي.
خـطوة 4
حمري البصلة والثوم في سمنة الهانم، وضيفي عليهم الخليط كله وقلبيهم مع بعض كويس جدا.
خـطوة 5
نقدم الخبيزة سخنة ومعاها أرز بالشعرية.

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً