فراخ بالصوص الأبيض والزعتر
124 مشـاهدة
منذ 12 شهر
الفراخ ليها طعم تاني مع الصوص الأبيض، جربي تعمليها لولادك بوصفة جديدة وبمقادير مختلفة، الفراخ بالصوص الأبيض والزعتر طعمها زي الشهد وهتبقى مسجلة باسمك خلاص.
حضــــــــري
1 ملعقة سمنة الهانم
نصف كيلو صدور فراخ شرائح
نصف كيلو لبن
1 ملعقة طحينة
1 ملعقة ملح
1 ملعقة فلفل
1 ملعقة زعتر جاف
2 فصين ثوم مفروم
200 جرام جبنة موتزاريلا
الـطــريـقـــــة
خـطوة 1
نغسل صدور الفراخ بالليمون والملح ونصفيها كويس، في طاسة سخنة نحط معلقة سمنة الهانم ونرش نصف معلقة ملح وفلفل، نضيف قطع الفراخ ونقلبها لحد ما تاخد لون وبعدها نقلب على الوش التاني.
خـطوة 2
نخرج الفراخ في طبق وفي نفس الطاسة نحط فصين ثوم مفروم ونقلبهم لحد ما يتغير لونهم، ونضيف معلقة طحينة ونقلب دقيقة بعدها نضيف اللبن سخن ونقلب كويس وننزل بالفراخ في الطاسة ونسيبها لحد ما تستوي.
خـطوة 3
نحضر بايركس أو صينية ونحط فيها الفراخ بالصوص الأبيض ونضيف عليها الجبنة الموتزاريلا، نرش على الوش الزعتر وندخله الفرن لمدة 10 دقائق ونقدمه.
