صينية القرنبيط بالبشاميل
97 مشـاهدة
منذ 5 أشهر
أدوار البرد في الشتاء مسابتش حد عشان كده هنعمل مع الهانم وصفة صينية القرنبيط بالبشاميل، طعمها خطير وهتزود المناعة وهتوفر فلوس الدكاترة يعني هنضرب 3 عصافير بحجر واحد.
حضــــــــري
50 جرام سمنة الهانم
50 جرام دقيق
3 كوب لبن
نصف ملعقة جوزة الطيب
ربع ملعقة فلفل أسود
رشة ملح
1 قرنبيط متقطع ومسلوق
3 طماطم متقطعة مكعبات
1 ملعقة كبيرة زيت
1 كوب جبنة موتزاريلا
الـطــريـقـــــة
خـطوة 1
نسخن الزيت في طاسة كبيرة بعدها نضيف القرنبيط والطماطم ونقلبهم كويس مع بعض لحد ما الخليط يستوي ونسيبه على جنب.
خـطوة 2
نبدأ تحضير البشاميل وندوب سمنة الهانم في طاسة على نار متوسطة، نضيف عليها الدقيق تدريجيا ونحرك الخليط بالمعلقة عشان الدقيق ميكلكعش واحنا بننزل اللبن بالتدريج مع الحركة.
خـطوة 3
نضيف الملح والفلفل الأسود وجوزة الطيب أثناء التقليب المستمر، ونسيب البشاميل على نار هادية لحد ما يغلي.
خـطوة 4
نضيف القرنبيط على البشاميل ونقلبهم كويس مع بعض لحد ما الخليط يتماسك.
خـطوة 5
ننزل الخليط في صينية فرن بعد كده نرش على الوش جبنة الموتزاريلا ونوزعها كويس.
خـطوة 6
ندخل الصينية الفرن لـمدة 10 دقائق لحد ما الجبنة تسيح بعدها نقدمها سخنة مع بطاطس محمرة.
