شوربة عدس قصة تانية خالص
354 مشـاهدة
منذ سنتين
علشان تدفي في الشتاء مش هتحتاجي تلبسي كل هدومك أو تستخبي جوه البطانية، تعالي نعمل شوربة عدس بطريقة الهانم الجديدة خالص هتدفيكي وتخليكي آخر شياكة.
حضــــــــري
– نصف كيلو لحمة مفرومة
– ۲ كوباية عصير الطماطم
– ٤ كوباية مياه
– كوباية عدس أصفر (مغسول ومتصفى)
– ۲ جزر (مبشور)
– ١ بصل (مفروم)
– ۲ ملعقة كبيرة سمنة الهانم الجديدة خالص
– نصف ملعقة صغيرة فلفل أسود
– نصف ملعقة صغيرة ملح
– ربع ملعقة صغيرة كمون (مطحون)
الـطــريـقـــــة
خـطوة 1
ضيفي اللحمة وسمنة الهانم في حلة على نار متوسطة وقلبي لحد ما اللحمة تبقى بني، ضيفي البصل وقلبيه لمدة دقيقتين خدي منها ٣ ملعقة كبيرة في طبق على جنب وسيبي الباقي في الحلة.
خـطوة 2
ضيفي عصير الطماطم والمياه والفلفل الأسود والملح والجزر والعدس، سيبيهم على النار لمدة ساعة لحد ما يستوي العدس.
خـطوة 3
ارفعيها من على النار وضيفي الكمون وقلبي.
خـطوة 4
قدميها في أطباق غويطة وضيفي لحمة مفرومة على الوش مع العيش المحمص وبالهنا والدفا.
