لو قلقانة من الحاجات الجاهزة.. أعملي أحلى شوربة خضار بالشعرية فـ دقايق..
154 مشـاهدة
منذ سنة واحدة
إزاي تعملي أحلى شوربة خضار بالشعرية..؟
دايمًا الهوانم بيقلقوا على ولادهم من الحاجات الجاهزة واللي ممكن تكون مش مضمونة، وطبعًا مافيش أحلى من الأكل البيتي من إيد ست الهوانم كلها. ولأن الشعرية الجاهزة عاملة قلبان في جروبات “الماميز”، وكلنا قلقانين على ولادنا منها، النهاردة هنقولك وصفة هوانم لشوربة الخضار بالشعرية بطعم أحلى وبمكونات مضمونة ومفيدة.
حضــــــــري
١ معلقة كبيرة سمنة الهانم
٢ جزر متقطع مكعبات
١ مكعب مرقة
نصف كوب شعرية
ربع كيلو فاصوليا خضراء
١ كيلو بسلة
٢ كوب مياه
٢ كوب مرقة لحمة أو فراخ
١ ملعقة صغيرة فلفل أسود
ملعقة صغيرة ملح
٢ ملعقة صغيرة بقدونس للتزيين
الـطــريـقـــــة
خـطوة 1
في حلة صغيرة نسلق الخضار وبعدين نصفيه من المياه.
خـطوة 2
نشوح الشعيرية في قلاية على النار بسمنة الهانم، بعدها نضيف الخضار المسلوق عليها ومعاه مرقة الفراخ والملح والفلفل الأسود لحد ما الشوربة تغلي.
خـطوة 3
نخفف النار على الشوربة ونسيبها لمدة ربع ساعة لحد ما تستوي.
خـطوة 4
نقدم شوربة الخضار بالشعيرية سخنة ونزين الطبق بالبقدونس.
