أكلة من ريحة زمان.. إزاي تعملي أحلى شكشوكة باللحمة المفرومة؟
462 مشـاهدة
منذ سنتين
شكشوكة بطعم أكل ماما.. طريقة عمل شكشوكة باللحمة المفرومة
مين يقدر ينسى الانبساط اللي كنا بنحس بيه لما ماما تعملنا شكشوكة، الشكشوكة مرتبطة معانا بذكريات وتفاصيل حلوة، الهانم جابتلك أكلة من ريحة زمان وكمان صيفي وسريعة وشهية وتشبّع العيلة كلها، لو وحشتك الشكشوكة بتاعة زمان اعمليها لأطفالك مع الهانم.
حضــــــــري
٤ بيض
٢ ملعقة كبيرة سمنة الهانم
ربع كيلو لحمة مفرومة
٢ طماطم متقطعة شرائح
١ فص ثوم مفروم
١ بصلة متوسطة متقطعة شرائح
١ فلفل أخضر حار متقطع شرائح
١ فلفل رومي ألوان متقطع شرائح
ملح وفلفل وكمون
بقدونس
الـطــريـقـــــة
خـطوة 1
سخني سمنة الهانم في طاسة كبيرة وضيفي عليها الثوم لحد ما يتحمر، بعدها ضيفي الطماطم والبصل والفلفل الحار وقلبيهم مع بعض كويس.
خـطوة 2
سيبي الخليط على النار يستوي كويس لمدة ٥ دقائق، بعدها ضيفي اللحمة المفرومة والفلفل الرومي ونص معلقة سمنة الهانم وقلبيهم مع بعض كويس.
خـطوة 3
ضيفي البيض والملح والفلفل والكمون وقلبي الخليط كويس، غطيها على النار لمدة ٥ دقائق لحد ما تستوي.
خـطوة 4
قدمي الشكشوكة سخنة وزيني الوش ببقدونس.
