سندوتشات على الخفيف - El Hanim
سندوتشات على الخفيف

سندوتشات على الخفيف

اعجــاب
421 مشـاهدة
منذ سنتين

الهوانم بتحب الأكل السريع علشان كده النهاردة ياهوانم جينالكم بوصفات سندوتشات سهلة وسريعة تخلي لمتكم تحلى من غير مجهود كبير

والمكون الأساسي هنا صدور الفراخ هنطلع منه

كوردن بلو، كفتة، فراخ وشاورما 

مقادير الكوردن بلو

– نص كيلو  صدور فراخ

– نص ملعقة صغيرة من (ملح + فلفل أسود + سكر + بابريكا + توم بودر + بصل بودر+ توابل فراخ)

– جبنه شيدر

– زيتون أخضر مخلي

-2 بيضة

– كوباية بقسماط  للتغليف

– نص كوباية دقيق للتغليف

طريقة  التحضير:

هنخلط صدور الفراخ البانيه بعد مانغسلها كويس أوي بالخل والملح نضيف عليها التوابل بعدها نفردها ونحط جواها الجبنه الشيدر والزيتون ونقفلها كويس جدا زي ورق العنب بعدها نغلفها بدقيق وبعدين البيض وبعدها البقسماط  ونقليها في زيت سخن جدا علشان يفضل مقرمش ومقفول كويس وميتفتحش في الزيت.

كفتة فراخ بالبقسماط:

– نص كيلو  فراخ

– رشة من(فلفل +بصل وتوم بودر +بهارت فراخ+قرفه +زنجبيل )

– بصلتين مفرومين ناعم

– نص ملعقة ملح

– كوب صغير بقسماط للعجن

– بقسماط للتغليف

– دقيق للتغليف

– بيضة

طريقة التحضير:

  هنخلط كل المكونات بتاعتنا يا هوانم  ونضيف الفراخ المفرومة وعليها البصل المبشور ناعم وعليه كل التوابل والملح وكوب البقسماط الصغير  ونعجنها كويس جدا  ونشكلها كور صغيرة وبعدين  نغلفها بالدقيق وبعدين البيض والبقسماط ونقليها في زيت سخن جدا علشان تقرمش معاكي.

شاورما فراخ:

– نصف كيلو بانيه

– 4 حبات فلفل أخضر أو 2 فلفل ملون

– بصلة صغيرة متقطعة شرايح

– نص كوباية  طماطم متقطعة

– ملعقة خل صغيرة

– ربع كوباية زيت

– ملعقة سمنة الهانم

– نص ملعقة صغيرة  (ملح + فلفل أسود + بهارات شاورما)

الطريقة:

هنحط ملعقة صغيرة سمنة الهانم عالنار  وننزل عليها الفراخ المتقطعة شرايح نديها صدمة عالنار لمدة 5 دقايق ونقلب.. بعدها نطلعها فى طبق لوحدها وفي طاسة هنحط ربع كوباية زيت ونضيف (الفلفل الأخضر أو الملون) وبعدها نص كوباية الطماطم المقطعة ونسيبهم خمس دقايق على النار وبعدها ننزل الفراخ تاني ومعاهم كل التوابل ونقلب شوية ونوطي النار عليها ونحط البصلة بتاعتنا المقطعة ونعلي النار مع التقليب ونغطيها دقيقتين بالظبط.  كده الشاورما هتبقى  جاهزة للتقديم

وبالهنا والشفا ياهوانم

#أكلةهوانم #قصة تانية_خالص

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً