مش مهم بتقوليها سمبوسة ولا سمبوسك المهم بتاكليها محشية بايه؟.. جربيها بالبطاطس مع الهانم
3٬362 مشـاهدة
منذ سنتين
طريقة عمل سمبوسة بالبطاطس
احنا ممكن نركن السؤال الوجودي بتاع سمبوسة ولا سمبوسك على جنب، عشان أصلا مش مهم بتقوليها سمبوسة ولا سمبوسك المهم بتاكليها محشية بايه؟ النهاردة هنجرب حشو البطاطس الجديد للسمبوسة، طبق يفتح النفس على السفرة وسط الأكل.
حضــــــــري
١ ملعقة كبيرة سمنة الهانم
٣ بطاطس كبيرة ومفرومة
نصف كوب بسلة
١ ملعقة صغيرة كمون
نصف ملعقة صغيرة كزبرة مجففة
ربع ملعقة صغيرة فلفل أسود
١ ملعقة صغيرة ملح
ربع ملعقة صغيرة فلفل أحمر مجفف
عبوة عجينة سمبوسة
١ ملعقة كبيرة دقيق
ملعقة كبيرة مياه
زيت للقلي
الـطــريـقـــــة
خـطوة 1
هنسخن سمن الهانم على نار متوسطة في طاسة وبعدين هنزود حبوب الكمون والكزبرة ونقلب لمدة دقيقتين.
خـطوة 2
نزود الفلفل المجروش والبطاطس والملح والفلفل الأسود ونقلب الخليط لمدة ١٠ دقائق وبعدين نضيف البسلة ونقلب لمدة دقيقتين بعدين نشيل الحشو من على النار.
خـطوة 3
في طبق هنخلط الدقيق مع المياه لحد ما يبقي متماسك وناعم.
خـطوة 4
نحشي عجينة السمبوسة من حشوة البطاطس ونلفها على شكل مثلثات، ونقفلها بخليط الدقيق والمياه، وبعدين نحمر السمبوسة في طاسة واسعة لحد ما لونها يبقي ذهبي.
خـطوة 5
نقدم سمبوسة البطاطس سخنة ومقرمشة.
