خلّي عيلتك يحبوا الأكل الغني بالحديد والكالسيوم.. جربي السبانخ بالبشاميل
178 مشـاهدة
منذ سنتين
أكلك مفيد وحلو مع الهانم.. طريقة عمل السبانخ بالبشاميل
دايمًا بتبقى المعادلة صعبة لما بنحب نعمل أكل صحي ومفيد وطعمه حلو في نفس الوقت، ولأن جوزك على ماتعوديه وابنك على ما تربيه، خلي عيلتك يحبوا الأكل الغني بالحديد والكالسيوم بلمسة بسيطة زي السبانخ بالبشاميل، وبكدة تبقي حققتي المعادلة الصعبة، جربي مع الهانم وصفة السبانخ بالبشاميل.
حضــــــــري
١ ملعقة كبيرة سمنة الهانم
١ كيلو سبانخ متقطعة ومغسولة ومتصفية من المياه
٢ ملعقة كبيرة دقيق
٣ كوب حليب
١ كوب مرقة دجاج
١ ملعقة كبيرة جبنة مبشورة
٤ كوب مياه
الـطــريـقـــــة
خـطوة 1
اغلي المياه في حلة عميقة، ولما تغلي كويس ضيفي السبانخ وسيبيها٣ دقائق وبعدها ارفعيها من على النار.
خـطوة 2
في قلاية سخني سمنة الهانم على النار لمدة دقيقتين، وضيفي الدقيق وقلبيهم مع بعض كويس لمدة دقيقتين، واقفلي عليهم قبل ما يبقى اللون بني.
خـطوة 3
ضيفي الحليب والمرقة وقلبيهم مع بعض كويس لحد ما يبقى الخليط متماسك، وبعدها ضيفي الجبنة المبشورة وقلبيهم مع بعض لحد ما يدوبوا كويس.
خـطوة 4
ادهني صينية بسمنة الهانم وافردي فيها السبانخ وبعدها غطيها بالبشاميل، بعدها حطيها في الفرن لمدة ٢٠ دقيقة لحد ما تستوي.
خـطوة 5
قدمي السبانخ بالبشاميل سخنة ومعاها أرز بالشعرية.
