راتاتوي بطريقة الهانم
يالا بينا يا هوانم نعمل خلطبيطة بالصلصة (راتاتوي) انما ايه قصة تانية خالص، أكلة مفيدة وخفيفة على المعدة وسهلة خالص
حضــــــــري
– الصوص
– بصلة كبيرة متقطعة مربعات
– ١ ملعقة سمنة الهانم
– فص ثوم متقطع شرايح
– كوباية صلصة طماطم
– ملعقة صغيرة زعتر
– نصف ملعقة ريحان
الخضار:
– نصف كيلو كوسة
– ربع كيلو بتنجان
– بصلة كبيرة شرايح
– طماطم شرايح
الـطــريـقـــــة
خـطوة 1
هنعمل صوص الخضار، هنسخن ملعقة سمنة الهانم في حلة وبعدين نضيف البصل والثوم ونضيف الطماطم مكعبات والفلفل الاخضر ونقلب كويس وبعدين هنضيف صلصة الطماطم والملح، الفلفل الاسود، الزعتر والريحان ونقلبها ونسيبها لمدة 5 دقائق ويبقى الصوص جاهز.
خـطوة 2
هنجهز الخضار، هنقطع الكوسة والبتنجان والطماطم شرايح.
خـطوة 3
هنجهز صينية مدورة ونضيف الصوص فيها وبعدين نرتب الخضار الشرايح (الكوسا والبتنجان والبصل والطماطم) ونضيف على الخضار فلفل وزعتر ونغطيها ونسيبها في الفرن من ٣٠ الى ٤٥ دقيقة.
خـطوة 4
هنقدمها مع ارز بسمتي أو ارز ابيض سادة
تعليقان
لذيذة جدا
شكرا على الطريقة
العفو يا هانم هنستنى رايك😉