حواوشي إسكندراني - El Hanim
حواوشي إسكندراني

حواوشي إسكندراني

اعجــاب
451 مشـاهدة
منذ سنتين

جددي في وصفاتك وجربي أكلات جديدة، الهانم هتقولك طريقة  الحواوشي الإسكندراني بطريقة مختلفة.

حضــــــــري

 ٦ كوب دقيق

۲ ملعقة كبيرة سمنة الهانم

 ۲  ملعقة كبيرة خميرة جافة

 1 ملعقة صغيرة سكر

1 ملعقة صغيرة ملح

 ۲  كوب مياه

 نصف كيلو لحمة مفرومة

۳ حبات بصل متوسطة الحجم

 حزمة بقدونس

۲  ملعقة صغيرة ملح

۲  ملعقة صغيرة فلفل أسود

 ۳ ملعقة صغيرة بهارات لحمة

جوزة الطيب

الـطــريـقـــــة

خـطوة 1
في طبق هنخلط الدقيق، الخميرة، الملح والسكر كويس ونضيف سمنة الهانم ونعجن وبعدين نضيف المياه تدريجيًا ونعجن للحصول على العجينة المطلوبة، نسيب العجينة تتخمر في مكان دافئ ومغطى لمدة ۳۰ دقيقة.
خـطوة 2
في طبق هنخلط اللحمة مع البصل والتوابل والبقدونس كويس ونعملهم كور متوسطة الحجم ونسيبهم على جنب.
خـطوة 3
هنرش على الرخامة الدقيق وناخد كورة من العجين ونفرده بالنشابة علشان يكون حجمها مظبوط ونضيف كورة من اللحمة ونبططها بالإيد على قد الرغيف ونفرد عجينة تانية عليها ونرش عليها سمنة من على الوش. (الكمية المقترحة هتعمل تقريبا 12 ساندوتش)
خـطوة 4
في طاسة نسخن ملعقة زيت مع نصف ملعقة سمنة ونضيف الرغيف على نار هادية ونقلب كل دقيقتين لحد ما يستوي من جوا ومن برا.
خـطوة 5
قدميه سخن مع بطاطس محمرة ومخلل.

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً