الأكل الحلو له ناسه.. جربي وصفة الجلاش باللحمة المفرومة مع الهانم
644 مشـاهدة
منذ 3 سنوات
بخطوات بسيطة هنعرف طريقة عمل الجلاش باللحمة المفرومة مع الهانم
ولأن الأكل الحلو له ناسه وانه مش لازم تستني لحد ما تروحي لمامتك علشان تاكلي الجلاش من إيديها يا هانم، جربي بنفسك طريقة الجلاش باللحمة المفرومة السهلة خالص مع الهانم، بخطوات سهلة وبسيطة ومن غير تعب أو مجهود كتير.
حضــــــــري
ربع كيلو من اللحم المفروم
۱ لفة جلاش
كوب من اللبن
بيضتين
۲ بصلة متقطعة
ملح وفلفل أسود
نصف كوب سمنة الهانم
فلفل أخضر متقطع مكعبات
۲ ملعقة الجبن الرومي المبشور
الـطــريـقـــــة
خـطوة 1
في طاسة ساخنة هنضيف ملعقة كبيرة سمنة الهانم ونضيف البصل يتحمر وبعدين ننزل باللحمة ونتبلها بالملح والفلفل الأسود والفلفل الأخضر ونسيبها تستوي.
خـطوة 2
نحضر صينية وندهنها بسمنة الهانم ونرص نصف الجلاش مع دهن كل طبقة بالسمنة ونضيف خليط اللحمة وعليها الجبنة المبشورة ونرص باقي الجلاش بنفس الطريقة.
خـطوة 3
ندهن الوش بالسمنة ونضيف البيضة المضروبة مع اللبن والملح والفلفل الاسود على الصينية ونسيبها في الفرن على درجة حرارة ۱۸۰ لحد ما لونها يبقى أحمر.
خـطوة 4
نقدم الجلاش مع المحشي أو مع بطاطس محمرة وسلطة خضراء.
