تشكين فرنسيس
481 مشـاهدة
منذ 3 سنوات
النهاردة هنعمل فطار جديد لو انتِ أول سنة جواز يبقي أكيد هتحبي الأكلة دي جدا «التشكين فرنسيس» أكلة جميلة وممتعة وبتشبع وبتفتح النفس على الحياة
#أكلةهوانم #قصة تانية_خالص
حضــــــــري
نص كيلو فراخ بانيه سمكها متوسط الحجم
2 حزمة بقدونس
3 ليمون
نص كوباية كريمة لباني
2 ملعقة سمنة الهانم
ربع كوباية زيت عباد الشمس
ملح وفلفل حسب الرغبة
كيس مكرونة مسلوقة والنوع حسب الرغبة
كوباية دقيق
2 بيضة
نصف كوباية جبنه بارميزان او رومي حسب الرغبة
3 فصوص ثوم
كوباية مرقة خضار او حسب الرغبة
الـطــريـقـــــة
خـطوة 1
هنغسل الفراخ كويس ومن غير اي تتبيله هنحطها في الدقيق ونسبها علي جنب
خـطوة 2
بعدين نعمل خلطه مكونه من 2 بيضة + 2 ملعقه لبن + ملح وفلفل + حوالي نصف كوباية جبنه + حزمة بقدونس متقطع قطع صغيره جداً هنشيل الفراخ من الدقيق ونحطها على الخلطه بتاعتنا ونحمرها في الزيت ونشلها على جنب
خـطوة 3
الخطوه دي هنعمل صوص الفراخ والباستا
هنحط سمنة الهانم مع ملعقة زيت ونضيف الثوم وعليه عصير الليمون وبعدين نحط الشوربة وبعدها نحط باقي بقدونس المتقطع قطع صغيره جدا ونتبلها بملح والفلفل ونضيف عليها الكريمة ونسيبها لحد ما تتقل
خـطوة 4
نحط الفراخ في الصوص ونسبها حوالي ٤ دقايق وبعدين نشيل الفراخ ونحط الصوص علي المكرونة
خـطوة 5
الباستا بتتقدم وعليها قطع الفراخ اللي شاربة الصوص
وبالهنا والشفا على احلي فطار رايق
