إيه هو البيض الاسكتلندي؟ جربي وصفة خطيرة مع الهانم
418 مشـاهدة
منذ سنتين
وصفة من غير مجهود.. طريقة عمل البيض الاسكتلندي
البيض الاسكتلندي هو أكلة خفيفة وسهلة منتشرة في اسكتلندا وانجلترا، الهانم النهاردة جايبالك الوصفة اللي هتقدري تعمليها في وقت قليل جدا لأنها مناسبة للصيف، وولادك هيحبوا ياكلوها أي وقت خلال اليوم. جربي وصفة البيض الاسكتلندي بطريقة سهلة وسريعة مع الهانم..
حضــــــــري
نصف كيلو لحمة مفرومة
٤ بيض
١ بصل مفرومة
١ ملعقة كبيرة بقدونس مفروم
١ ملعقة صغيرة ملح
١ ملعقة صغيرة فلفل
١ كوب سمنة الهانم
١ خيار شرائح
طماطم شيري
١ ملعقة كبيرة دقيق
٤ ملعقة كبيرة بقسماط ناعم
١ بيض مخفوق
الـطــريـقـــــة
خـطوة 1
في حلة هنخلط اللحمة المفرومة مع البصل وهنتبله بالملح والفلفل، هنسلق البيض ونقشره وبعدين نغطيه بالدقيق.
خـطوة 2
هنغطي البيض بجزء من خليط اللحمة وهنضغط كويس لحد ما يتماسك مع البيض، بعدين نحطها في الدقيق ونغمسها في البيض المخفوق ونغطيها بالبقمساط، هنكرر الخطوات لباقي البيض وهنحطه في التلاجة لمدة ساعة.
خـطوة 3
في طاسة هنحط سمنة الهانم وهندحرج البيض لحد ما لونه يبقى أحمر واللحمة تستوي.
خـطوة 4
هنطلع البيض علي ورق الزبدة لحد ما يبرد ونقطعه لنصين متساويين.
خـطوة 5
قدمي البيض الاسكتلندي دافئ وزيني الطبق ببقدونس مفروم وطماطم شيري وشرائح خيار حسب الرغبة.
