بطاطس بيوريه باللحمة المفرومة
1٬297 مشـاهدة
منذ 3 سنوات
البطاطس من أكتر الأكلات إللي ممكن تتعمل بأكتر من طريقة وتدينا طعم مختلف… النهارده هنجرب طريقة جديدة للبطاطس “بطاطس بيوريه باللحمة المفرومة”
حضــــــــري
5 معلقة كبيرة سمنة الهانم
2 فص ثوم مهروس
2 بيضة
كيلو بطاطس مسلوقة و مهروسة
1 معلقة كبيرة دقيق
1 بصلة مفرومة
نص كيلو لحمة مفرومة
نص كيلو لبن كامل الدسم
الـطــريـقـــــة
خـطوة 1
هنجيب طاسة و نحط فيها معلقة سمنة الهانم و نحمر فيها البصل و نضيف عليها التوم و اللحمة المفرومة ونتبل اللحمة بالملح والفلفل والبهارات ونقلب و نهدى النار و نسيبها لحد ما اللحمة تستوى
خـطوة 2
فى نفس الوقت نحضر صوص البشاميل يا هانم (نحط معلقتين سمنة الهانم فى طبق تانى على النار و نضيف عليها الدقيق و نقلب لحد ما لونة يبقى أصفر و نضيف البهارات واللبن ونفضل نقلب لحد ما الصوص يبقى متماسك و نقفل النار
خـطوة 3
نحضر صينية بايركس و ندهنها بشوية سمنة و نحط نص البطاطس المهروسة و نحط اللحمة المفرومة وبعد كده باقى البطاطس وعليها من فوق صوص البشاميل .
خـطوة 4
نضرب البيض مع شوية لبن و فلفل أسود و نحطه على وش الصينية و ندخلها الفرن من غير النار وعشان تتماسك و بعد كده نفتح الشواية لمدة تلت دقايق عشان وشها يحمر و نسيبها تهدى و بألف هنا و شفا
