باستا الفريدو في الفرن
1٬086 مشـاهدة
منذ 3 سنوات
المكرونة الفريدو في الفرن مش أي حد بيعرف يعملها مظبوطة ,وطعمها في البيت بيبقي مش زي المطاعم الإيطالي عشان كده النهارده الهانم هتعرفك السر وهتعمليها أحسن من أي مطعم بس ركزي في المقادير
حضــــــــري
نص فرخة مسلوقة أو مشوية مخلية من العظم والجلد ومتفصصة قطع صغيرة
3 كوبايات كريمة لباني
كوباية لبن كامل الدسم
فصين ثوم مفرومين
3 ملعقة كبيرة من سمنة الهانم
نص كوباية جبنة بارميزان او رومي
2 ملعقة بقدونس مفروم
ملح و فلفل و جوزة الطيب
مكعب مرق دجاج
ملعقة كبيرة صوص صويا
كيس معكرونة مسلوقة
الـطــريـقـــــة
خـطوة 1
في حله سخني الكريمة والحليب وضيفي مكعب المرقة والثوم والجبن والملح والفلفل وجوزة الطيب ولما تبدأ تغلي ارفعيها من علي النار ضيفي السمنة تدريجيا، ملعقة ملعقة وقلبي كويس
خـطوة 2
ضيفي قطع الفراخ للكريمة وقلبي عشان طعم الفراخ يدخل في طعم الصوص الابيض وبعدين ضيفي البقدونس المفروم وفي الاخر ضيفي المكرونة صبيها في قالب فرن ووزعيها كويس وعلي وش الصنية رشي الجبنة المبشور
خـطوة 3
وحطيها في فرن متوسط الحرارة لحد ما تاخد اللون الذهبي الجميل
