الويكة
764 مشـاهدة
منذ 3 سنوات
الهانم اللي بتحب الويكة هتقدر الوصفة دي وهتاكل صوابعها وراها، جربي البامية الويكة بطريقة الهانم.
حضــــــــري
كيلو بامية
كوب كزبرة
ملعقة صغيرة من الملح
۲ مكعب مرق دجاج
٥ فصوص ثوم مهروسين
٤ فصوص حبهان
ربع ملعقة مستكة صغيرة
بصلة صغيرة مبشورة
مياه حسب حاجتك
الـطــريـقـــــة
خـطوة 1
اغسلي البامية ونقمعها وقطعيها حلقات متوسطة الحجم.
حضرى حلة وضيفي فيها مياه والبصل المبشور والملح والحبهان والمستكة ولما يغلي كويس ضيفي حلقات البامية ومكعبات المرقة وسيبيها تستوي كويس.
خـطوة 2
اخلطي الثوم والكزبرة مع بعض وضيفي نصف الكمية مع البامية
وفي طاسة فيها ملعقة سمنة الهانم ضيفي باقى كمية الثوم والكزبرة لحد ما ياخد اللون الذهبى وضيفيها هي كمان مع البامية وغطيها وسيبيها على النار لمدة ٥ دقائق.
خـطوة 3
قدميها مع الليمون (يتعصر عليها) والعيش أو الأرز الابيض والسلطة الخضراء.
