مكرونة محشية باللحمة المفرومة
544 مشـاهدة
منذ 3 سنوات
هناخد الحلو من المحشي على الحلو من المكرونة والنتجية تستاهل بوقك.. في ايه أحلى من كده..
حضــــــــري
٤٠٠ جرام مكرونة قواقع
ربع كيلو لحم مفروم
١ بصل مفروم
ملح وفلفل اسود وكزبرة
عصير طماطم
للبشاميل:
٥ ملعقة كبيرة دقيق
لتر لبن
٢ ملعقة كبيرة سمنة الهانم
١ بيضة
ملح وفلفل أسود
كزبرة
ميكس جبن
الـطــريـقـــــة
خـطوة 1
نسلق المكرونة في مياه وملح لمدة ٧ دقائق وفي حلة على النار نضيف البصل وسمنة الهانم لحد ما يبقى لونها أصفر وبعدها نضيف اللحمة والملح والفلفل الأسود والكزبرة وعصير الطماطم ونقلبهم كويس لحد ما تستوي.
خـطوة 2
ي حلة على النار نضيف ملعقة سمنة الهانم ومعاها الدقيق ونقلبهم كويس لحد ما يبقى لونه أصفر وبعدين نرفعه من على النار ونضيف اللبن ونقلب كويس وبعدين نرجعه على النار تاني ونقلبهم كويس لحد ما يبقى القوام كريمي.
خـطوة 3
نرفع من على النار ونضيف ملح وفلفل أسود والكزبرة، نسيبه يبرد وبعدها نضيف البيض.
خـطوة 4
في صينية بايركس نضيف جزء من الصوص ومعاهم المكرونة وبعدين اللحمة والجبنة والصوص، ندخلها الفرن لحد ما تستوي.
خـطوة 5
قدمي المكرونة المحشية سخنة ومعاها فراخ بانيه.
