المشروم المحشي بالسبانخ
420 مشـاهدة
منذ 3 سنوات
الهوانم عارفين قيمة السبانخ والمشروم وقد إيه مغذيين، لو عايزة أطفالك يحبوهم أعمليهم وصفة الهانم وهيسقفولك عليها..
حضــــــــري
١٠ مشروم متوسط الحجم
٣ كوب أوراق سبانخ
١ ملعقة كبيرة سمنة الهانم
ربع كوب كريمة طبخ
ربع كوب جبنة كريمي أو ريكوتا
٤ فصوص ثوم مفروم
٢ ملعقة كبيرة زيت
ملح وفلفل أسود
الـطــريـقـــــة
خـطوة 1
قوري المشروم من جواه وأتاكدي أنه متفرغ كويس وبعدين ادهنيه بالسمنة وافرمي أجزاء المشروم اللي شيلتيها في الكبة.
خـطوة 2
على نار متوسطة سخني نص كمية الزيت في طاسة وضيفي المشروم المفروم والثوم وقلبيهم لمدة دقيقتين وبعدين ضيفي السبانخ وقلبي الخليط وبعدها وطي النار عليه لحد ما يستوي.
خـطوة 3
على نار متوسطة حطي الكريمة والجبنة والملح والفلفل الأسود وقلبيهم لحد ما الجبنة تسيح.
خـطوة 4
ضيفي خليط الكريمة للسبانخ وقلبيهم لمدة دقيقتين وبعدها ارفعي السبانخ من على النار.
خـطوة 5
سخني الفرن على درجة حرارة ١٨٠ وادهني صينية البايركس بالزيت وبعدها رصي المشروم فيها.
خـطوة 6
احشي المشروم بخليط السبانخ ودخلي الصينية في الفرن لمدة ١٥ – ٢٠ دقيقة لحد ما المشروم يحمر.
خـطوة 7
قدمي المشروم المحشي بالسبانخ سخن ومعاه سلطة خضراء.
