اللحم بالكاري
397 مشـاهدة
منذ 3 سنوات
اللحمة هى الأكلة الوحيدة إللى محدش بيختلف عليها فى أى عزومة و بتتعمل بأكتر من طريقة ..هنقولكم على طريقة جديدة للحمة هتبقى بالكارى
#بلاج_الهانم #قصة_تانية_خالص
حضــــــــري
كيلو لحم مقطع مكعبات
كوب ونصف لبن
3 طماطم كبيرة مقطعة 4 قطع
2 بصلة كبيرة، مقطعة شرائح رفيعة
2 فص ثوم مفروم
3 ملاعق كبيرة سمنة الهانم
3 ملعقة صلصة طماطم
3 ملعقة عصير ليمون
2 ملعقة كبيرة جنزبيل مفروم
2 ملعقة كبيرة كاري
ربع ملعقة صغيرة فلفل حار بودرة
2 عود قرفة
6 حبات قرنفل
ورقة لورا
ملح وفلفل أسود
الـطــريـقـــــة
خـطوة 1
تبلي اللحم بالملح والفلفل الأسود.
خـطوة 2
على نار متوسطة، سخني 2 ملعقة كبيرة من السمنة، وضيفي اللحم، وقلبيه لحد ما لونه يكون بني، وارفعيه من النار في طبق تاني.
خـطوة 3
في الطاسة نفسها، سخني باقي السمنة، وضيفي البصل، وقلبيه حتى يذبل.
خـطوة 4
ضيفي اللحم والقرنفل والثوم والقرفة وورقة اللورا والفلفل الحار، وقلبي لمدة دقيقة.
خـطوة 5
في النهاية : ضيفي الحليب والطماطم المقطعة وعصير الليمون وصلصة الطماطم والجنزبيل والكاري والملح، وسيبيه لحد ما يغلي.
خـطوة 6
غطي الطاسة، وسيبيها على نار هادية جدًّا لمدة 60 – 75 دقيقة، لحد ما اللحمة تستوي.
خـطوة 7
ارفعي الغطاء، وسيبي اللحم على نار متوسطة لمدة 10 دقائق مع التقليب كل 3 دقائق، وقدمية سخن يا هانم.
