الكوارع
720 مشـاهدة
منذ سنتين
الكوارع أكلة بتتعمل كل فين وفين علشان عمايلها صعبة، بس الهانم هتقولك طريقة سهلة خالص تعمليها وقت ما توحشك بسهولة.
حضــــــــري
٦ كوارع متوسطة الحجم.
نصف ملعقة صغيرة من الحبهان
بصلة كبيرة
۳ من ورق لورا
۲ بصلة مقطعة إلى شرائح
۳ حبات طماطم
ملعقة كبيرة بابريكا حارة
نصف ملعقة صغيرة من البهارات
ربع ملعقة صغيرة من جوزة الطيب
ملعقة صغيرة من الفلفل الأسود
۲ ملعقة صغيرة من الملح
ملعقة سمنة الهانم
۲ ملعقة زيت
الـطــريـقـــــة
خـطوة 1
هنغسل الكوارع كويس بالخل والملح والليمون ونسيبها في المياه لمدة لا تقل عن نصف ساعة ونصفيها ونغسلها مرة تانية بالمياه الباردة.
ونسيبها في مياه تغلي على النار غلوة وبعدين نصفيها.
خـطوة 2
في حله على النار هنضيف سمنة الهانم مع زيت يسخنوا شوية ونضيف الكوارع مع الحبهان وورق اللورا ونقلب المكونات كويس ونشوحها ونضيف المياه والبصلة بعد تقطيعها إلى ٤ قطع، نضيف الملح والفلفل الأسود. ونسيب الكوارع على النار لحد ما تستوي.
خـطوة 3
نحضر طاجن فرن ونضيف الكوارع وشرائح البصل، نتبلها بالملح والفلفل الأسود والطماطم المتقطعة مكعبات ونضيف البهارات وجوزة الطيب والبابريكا، ونضيف الزيت ومرق الكوارع ونقلب المكونات كويس.
خـطوة 4
هنحط الطاجن في الفرن لمدة لا تقل عن ساعة.
خـطوة 5
يقدم ساخن مع الفتة.
