القلقاس
794 مشـاهدة
منذ 3 سنوات
حد يقدر ينسى طعم القلقاس اللي جداتنا الهوانم كانوا بيعملوه، طعمه زي الشهد ومليان حديد وبيقوي المناعة..
لو وحشك القلقاس بتاع زمان، إعمليه لأطفالك بوصفة مفيدة خالص مع الهانم.
حضــــــــري
۲ ملعقة سمن الهانم
مرقة لحمة
ملعقة ثوم مطحون كبيرة
بصلة متوسطة الحجم ومتقطعة ناعم
۲ كوب عصير طماطم
ملح وفلفل أسود
الـطــريـقـــــة
خـطوة 1
نغسل القلقاس كويس وبعدها نقشره وننشفه كويس جداً، وبعدين نقطعه لمكعبات ونتأكد أن السكينة ناشفة علشان نمنع خروج المادة اللزجة الموجودة في القلقاس.
خـطوة 2
ننقع القلقاس في مياه مغلية ونعصر عليه ليمون لمدة ساعة، وبعدها نشطفه بالمياه كويس علشان ننضفه من المادة اللزجة ونصفيه كويس جداً.
خـطوة 3
نحط القلقاس في شوربة اللحمة في حلة على النار لحد ما يستوي كويس.
خـطوة 4
نحط البصل مع السمنة على النار، ونستمر في التقليب لحد ما يتحول لونها للأصفر الفاتح.
خـطوة 5
نضيف ملعقة من الثوم المدقوق للبصل، ونقلبهم لحد يبقى اللون أصفر شوية، ونضيف عصير الطماطم للخليط ونزود عليهم الملح والفلفل الأسود.
خـطوة 6
نغطي الحلة كويس لحد ما يتكثف الخليط وتبدأ المادة الدهنية تظهر على الوش، بعد كده نحط القلقاس في قالب مع جميع المكونات، وندخله الفرن لحد ما يستوي.
خـطوة 7
قدمي القلقاس سخن ومعاه أرز أبيض وسلطة خضراء وبتنجان مخلل.
