الفتة باللحم الضاني
18٬754 مشـاهدة
منذ 3 سنوات
مين فينا مبيحبش الفتة باللحم الضاني يلا استعدى مع #الهانم واعمليها بـ #قصة_تانية_خالص
حضــــــــري
12 x عدد فص ثوم مهروس
5 x معلقة كبيرة سمن الهانم
4 x معلقة كبيرة صلصة طماطم
3 x معلقة كبيرة خل
2 x عدد رغيف عيش بلدى (او شامي مقطع مربعات)
1 x كيلو لحمة (ضاني بدون عظم، مقطع)
½ x كيلو أرز عادى (مطبوخ)
مقادير الأرز الأبيض
2 x كوب أرز عادى
2 x كوب ماء
1 x معلقة كبيرة سمنة الهانم
1 x معلقة صغيرة ملح (أو حسب الرغبة)
الـطــريـقـــــة
خـطوة 1
اول حاجة هنسوى الارز طريقة عمل الارز :
هنغسل الرز بماء فاتر فى مصفاه
خـطوة 2
فى حلة على النار هنضيف الماء ونسيبه يغلى
خـطوة 3
هنضيف الرز والملح والسمن ونقلبهم تقليب خفيف.
خـطوة 4
هنسيب الماء يغلى لحد ما يبقى الماء فى نفس مستوى الأرز.
خـطوة 5
هنغطى الحلة بإحكام ونوطى النار مع وضع صفيحة تحت الحلة بعد 10 دقائق هنقلب مرة كمان تقليب خفيف.
خـطوة 6
بعد 10 دقائق المفروض يكون الأرز استوى, للتأكد هناخد حباية رز ونهرسها ولو فيها جزء ناشف يبقى لسه مستواش.. بس كده
خـطوة 7
بعد كده هنسلق اللحمة الضاني لمدة 30 دقيقة .
بعد ما يستوي اللحم هنحمره في ملعقتين سمن لمدة ١٠ دقائق أو حتى يصبح لونه بنيًا، و نضعه جانبا.
خـطوة 8
بعدين نحمر مربعات الخبز في ملعقة سمن حتى يصبح بنيًا ومقرمشًا (دقيقتين) ثم ضعيه جانبا.
و دلوقتي هنحمر نصف الثوم في ملعقة سمن لمدة دقيقتين ثم نضيف ملعقتين من الخل و ٣ ملاعق مرقة لحم واتركيه ٣ دقائق ثم احفظيه جانبا.
خـطوة 9
لإعداد الصلصة : هنحمر باقي الثوم في ملعقة سمن ثم نضيف باقي الخل والصلصة وملعقة من مرقة اللحم.
خـطوة 10
في طبق بايركس أو طبق تقديم،نضع مكعبات الخبز.
هنصب عليه خليط الثوم بالخل و لابد من الحرص أن يمتص الخبرز الخليط جيدا.
نضيف ١/٣ من الصلصة.
و بعدين نغطي الخبز بالأرز و نصب فوقيه باقي الصلصة.
و نقدمها مع قطع اللحم المحمرة مغطاه بقليل من الصلصة
