الشلولو
1٬153 مشـاهدة
منذ 3 سنوات
هيفضل المطبخ المصري يفاجئنا بوصفات وأكلات ليها فوائد ملهاش حصر.. والشلولو واحد من المفاجئات دي.. أكلة مصرية أصيلة يرجع أصلها لزمن الحضارة المصرية القديمة وبفضل مكوناتها الطبيعية البسيطة بتقوي الجهاز المناعي وده إللي محتاجاه كل هانم لنفسها ولعيليتها دلوقتي.
#الهانم #قصةتانيةخالص
حضــــــــري
كوب ملوخية ناشفة
ملعقة كبيرة ثوم مفروم
حبيتين ليمون كبار
كوب ماء بارد
ملح وفلفل وشطة حسب الرغبة
الـطــريـقـــــة
خـطوة 1
نحط الثوم وعصير الليمون في الطبق ونخلطهم كويس جدا.
خـطوة 2
ننزل بالملوخية الناشفة مع خليط الليمون والثوم.
خـطوة 3
نصب الماء البارد ونخلط كويس جدا لحد مانوصل للقوام المناسب.
خـطوة 4
ضيفي الملح والفلفل الأسود والشطة حسب الرغبة.
وبتتقدم باردة وبتتاكل بالعيش
