السنجاري البورسعيدي
451 مشـاهدة
منذ 3 سنوات
السنجاري البورسعيدي أكلة بتتعمل لما تبقي عايزة تجددي وتاكلي أكلة تغيري بيها اليوم.
#أكلةهوانم #قصة تانية_خالص
حضــــــــري
كيلو سمك بوري نظيف.
2 جزر مبشور.
2 بصلة متوسطة مفرومة.
1 طماطم كبيرة مقطعة مكعبات.
1 فلفل أخضر، احمر واصفر مقطع شرائح رفيعة.
قرن فلفل أحمر حار متقطع حلقات.
ربع كوباية كزبرة خضرا مفرومة.
ربع كوباية كرفس مفروم.
5 فصوص ثوم متقطع.
1 ملعقة صغيرة كمون.
ربع ملعقة صغيرة كزبرة جافة مطحونة.
ربع ملعقة صغيرة زنجبيل مطحون.
ملعقة كبيرة عصير ليمون.
3 ملعقة كبيرة زيت زيتون.
2 ملعقة كبيرة سمنة الهانم .
ملح وفلفل أسود.
الـطــريـقـــــة
خـطوة 1
سخني الفرن عند درجة حرارة 220.
خـطوة 2
افتحي السمك من الرأس لحد الذيل، ونظفي من داخله كويس جداً، وبعدين افرديه مفتوح في صينية وسبيه على جنب.
خـطوة 3
تبلي السمك بالملح والفلفل الأسود ونص كمية الكمون، بعدين رشي زيت الزيتون على الوش.
خـطوة 4
على نار متوسطة، سخني سمنة الهانم وضيفي البصل وقلبيه لحد ما يذوب.
خـطوة 5
ضيفي الثوم وقلبي لمدة دقيقة وبعدين ضيفي الطماطم والفلفل الحار والجزر المبشور والفلفل الملّون وقلبي لمدة 5 دقائق.
خـطوة 6
ضيفي الملح والفلفل الأسود والكزبرة الجافة والزنجبيل وباقي الكمون، وقليل من الكرفس المفروم، وقلبي.
خـطوة 7
ارفعي الخضار من على النار وبعدين ضيفي عصير الليمون، قلبي.
خـطوة 8
افردي السمك في الصينية ويكون مفتوح وحطي الخضار فوق السمك وبعدين وزعي باقي الكرفس والبقدونس على الوش وبعدين اقفلي صينية الفرن بورق فويل .
خـطوة 9
ضعي الصينية في الفرن لمدة 30 – 35 دقيقة. وبعد ما يخرج من الفرن زينيه بشرايح الليمون
وبالهنا والشفا يا هوانم
