الريزوتو الإيطالي
387 مشـاهدة
منذ 3 سنوات
الأكلة الحلوة بتبان من اسمها علشان كده الهانم هتقدم النهاردة “الريزوتو الإيطالي” من أهم الأكلات الشعبية في إيطاليا.. جربيها وقوللينا رأيك يا هانم
#أكلةهوانم #قصة تانية_خالص
حضــــــــري
كوباية مرقة دجاج أو خضار
٣ ملعقة كبيرة زيت زيتون
طبق مشروم متقطع طازج بصل أبيض متوسط، متقطع شرائح
2 كوباية أرز أربوريو او مصري
نصف كوباية عصير تفاح بيور
ملح وفلفل ١ ملعقة صغيرة
بصل أخضر مقطع
2 ملعقة سمنة الهانم
نصف كوباية جبنة بارميزان مبشورة او رومي
الـطــريـقـــــة
خـطوة 1
في حله صغيرة، سخني المرقة وسبيها على جنب.
خـطوة 2
سخني 2 ملعقة كبيرة زيت زيتون مع ملعقة سمنة الهانم على درجة حرارة متوسطة في طاسة كبيرة .
خـطوة 3
ضيفي المشروم و قلبيه لحد ما يستوي، حوالي ٣ دقائق.
خـطوة 4
في الخطوه دي هنشيل المشروم المستوي في طبق على جنب وهنضيف البصل في نفس الطاسة وبعدين هنحمر البصل لمدة دقيقة واحدة.
خـطوة 5
ونضيف الأرز ونقلبه لحد ما يمتزج بالزيت والسمنة لمدة 5 دقيقة.
خـطوة 6
ابدأي في إضافة عصير التفاح مع التقليب المستمر لحد ما يمتصه الأرز. ضيفي نص كوباية المرقة وقلبيها لحد ما يمتصها الأرز، وبعدين ضيفي النص التاني من المرقة .
خـطوة 7
استمرى في التقليب لحد ما تنتهي المرقة، حوالي ١٥-٢٠ دقيقة.
خـطوة 8
ارفعيه عن النار واخلطيه مع المشروم والبصل الأخضر وملعقة السمنة والجبن البارميزان والملح والفلفل.
قدميه سخن.
