ع الأصل دوّر.. خطوات سهلة عشان تعملي "البصارة" - El Hanim
ع الأصل دوّر.. خطوات سهلة عشان تعملي

ع الأصل دوّر.. خطوات سهلة عشان تعملي "البصارة"

اعجــاب
726 مشـاهدة
منذ سنتين

 

البصارة أكلة مغذية وكمان اقتصادية وقيمتها الغذائية عالية، جربيها بطعم وريحة زمان مع وصفة الهانم اللذيذة خالص.

حضــــــــري

نصف كيلو فول مدشوش

۲ ونصف ملعقة سمنة الهانم كبيرة

ربع كوب زيت ذرة

۲ بصلة كبيرة

٥ فصوص ثوم كبير

حزمة شبت وبقدونس وكزبرة (بدون الساق)

ملعقة كمون

ملعقة ملح

نصف ملعقة شطة

الـطــريـقـــــة

خـطوة 1
هننقع الفول المدشوش في المياه ونغلسه كويس ونصفيه وبعدين نسلق الفول في المياه ونضيف معاه بصلة كبيرة وفصوص ثوم وكزبرة وبقدونس وشبت ونسلقهم كلهم مع بعض وبعدين نضربهم في الخلاط ونصفيهم كويس.
خـطوة 2
في حلة هنضيف ملعقة سمنة الهانم ونضيف عليها الخليط المتصفي ونضيف كمون وشطة وملح.
خـطوة 3
هنجيب بصلة متقطعة شرائح في طاسة فيها زيت ونحط عليها ملعقة سمنة الهانم ونحمر البصل كويس ونضيفه في طبق على جنب ونسيب ملعقة بصل منه في السمنة ونضيفها على خليط البصارة اللي على النار، وأول ما البصارة تتقل شوية نطفي عليها النار.
خـطوة 4
نقدمها في أطباق صغيرة ونضيف على وشها بصل متحمر ومعاها رغيف عيش متحمص وبالهنا والشفا.

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً