وصفة من بتوع زمان.. طريقة عمل البصارة
354 مشـاهدة
منذ سنة واحدة
وصفة سهلة لأحلى طبق بصارة
أطباق زمان
في أطباق كدة من التراث، يعني علامات تاريخية مميزة للمطبخ المصري، والبصارة واحدة من العلامات التراثية والأكلات المصرية جدًا، اللي بنشتاقلها من وقت للتاني بالذات في الشتا، عشان الدفا مش بالأحضان والكلام الحلو بس، الدفا يعني طبق بصارة يطبطب على قلبك في البرد، جربي وصفة البصارة مع الهانم بطعم وريحة الزبدة الصفرا.
حضــــــــري
نصف كوب سمنة الهانم
نصف كيلو فول مدشوش
١ لتر ماء
١٥٠ جم بصل مكعبات
٥٠ جم ثوم قطع
٥٠ جم فلفل حامى
١ حزمة كسبرة مفرومة
١ حزمة بقدونس
١ حزمة شبت
١ كوب دقيق
١٠٠ جم بصل محمر
الـطــريـقـــــة
خـطوة 1
في بولة ننقع الفول المدشوش لمدة ساعة وبعدها نصفيه.
خـطوة 2
في حلة على النار نشوح البصل مع سمنة الهانم، ولما يدبل نضيف الثوم وبعدها الفلفل والكسبرة والبقدونس والشبت، نقلبهم مع بعض كويس ونضيف عليهم فول مدشوش ونقلبهم مع بعض كويس.
خـطوة 3
نضيف على المزيج مياه مغلية ونسيبه يستوي على نار هادية، ولما يستوي نضربه في الخلاط.
خـطوة 4
في بولة نعفر البصل في دقيق، وبعدين ننزله القلاية ونحمره في سمنة الهانم لحد ما ياخد لون دهبي.
خـطوة 5
نقدم البصارة سخنة ونزين وش الطبق بالبصل المتحمر.
