البانيه المحشي بالجبنة والبروكلي
371 مشـاهدة
منذ سنتين
البانيه والمكرونة أنقذونا في أيام كتير يا هوانم، أكلة سهلة وسريعة التحضير وكلنا بنحبها..
حضــــــــري
٤ صدور فراخ
ملح وفلفل أسود
زيت للقلي
١ كوب بروكلي مسلوق
كوب ونصف جبنة شيدر مبشورة
دقيق
بقسماط
بيضة مخقوقة
الـطــريـقـــــة
خـطوة 1
نفتح صدور الفراخ زي الساندويتش وندقها بمطرقة اللحمة علشان تتفرد معانا ونتبلها بالملح والفلفل من الجانبين.
خـطوة 2
نفرم البروكلي في الكبة كويس ونضيف عليه الجبنة الشيدر ونقلبهم مع بعض كويس ونحشي مقدار ملعقتين كبار في صدور الفراخ ونلفها ونضغط عليها كويس.
خـطوة 3
نغمس الفراخ في الدقيق والبيض والبقسماط ونرصهم في صينية وندخلهم الفريزر لمدة ٣٠ دقيقة.
خـطوة 4
نحط زيت في طاسة على نار هادية ونقلي صدور الفراخ ونقلبها على الجانبين لحد ما يبقى لونها ذهبي وتستوي ونراعي تقليب الفراخ بحرص علشان تفضل مقفولة كويس أثناء القلي.
خـطوة 5
نرفع صدور الفراخ من على النار ونحطها على ورق مطبخ لحد ما تصفي الزيت.
خـطوة 6
نقدم البانيه سخن ومعاه مكرونة بصوص أحمر.
