الأرز الأصفر بالخلطة
448 مشـاهدة
منذ سنتين
التغيير مطلوب يا هانم جربي تعملي الأرز البسمتي بالخلطة بطريقة الهانم الجديدة خالص.
حضــــــــري
۲ كوب أرز بسمتى
۳ ملعقة سمنة الهانم
۳ كوب شوربة فراخ
۱ بصلة وسط مفرومة
۲ كوب خضار مشكل
(بسلة – جزر – فاصوليا خضراء)
نصف كوب ذرة حلو
فنجان صغير لوز مقشر
فنجان صغير صنوبر
البهارات (حبهان – قرفة عيدان أو مطحون – ورق لورا – بهارات لحمة – فلفل أسود)
۱ ملعقة كركم أو زعفران حسب المتاح
الـطــريـقـــــة
خـطوة 1
ضيفي ملعقة سمنة الهانم فى حلة على النار، بعدين هنضيف البصل المفروم لحد ما تدبل البصلة ويكون لونها ذهبى وبعد كده ضيفي الشوربة لحد ما تغلي ضيفي الخضار والذرة و كل البهارات، سيبي الخضار لحد ما يتشرب كمية الشوربة وده معناه إنه دخل في مرحلة التسوية المطلوبة.
خـطوة 2
بعد ما نغسل الأرز كويس ونضيفه على الخضار والذرة، ضيفي 2 كوب من الشوربة وهنشيل الغطاء عشان نتأكد من ان الأرز دخل فى التسوية.
خـطوة 3
نضيف ۲ ملعقة سمنة الهانم في طاسة، بعدين هنضيف اللوز المقشر ونحركه لحد ما يتحمر ويبقى لونه ذهبي، بعدين نضيف الصنوبر علشان يتحمر فى نفس الوقت، بعد كده ضيفيهم فى حلة الأرز وهنقلب الأرز بالخضار والمكسرات.
خـطوة 4
قدمي الطبق مع سلطة الزبادي والسلطة الخضراء.
