وصفة لكل هانم.. جربي أوراك الفراخ بالتوابل المغربية
224 مشـاهدة
منذ سنتين
لو بتحبي التوابل المغربية.. الهانم جايبالك وصفة على مزاجك
المطبخ المغربي في حتة تانية خالص، ولكل هانم عاوز تجرب الأكل المغربي بطرق بسيطة وسهلة ،الهانم النهاردة جايبالك وصفة خطيرة وبخطوات سهلة مش هتاخد منك مجهود، جربي مع الهانم أوراك الفراخ بالتوابل المغربية.
حضــــــــري
١ كيلو أوراك فراخ متقطعة
٢ ملعقة كبيرة سمنة الهانم
١ ونصف ملعقة صغيرة كمون
١ ونصف ملعقة صغيرة كزبرة جافة
١ ملعقة كبيرة شطة
نصف ملعقة صغيرة قرفة
ملح وفلفل أسود
دقيق
٢ ملعقة كبيرة زيت زيتون
٢ فلفل رومي حار متقطع
٢ بصل متوسط متقطع
٢ ورق لورا
٢ ملعقة كبيرة صلصة طماطم
٢ كوب مرقة فراخ
١ ملعقة صغيرة قشر ليمون + عصير٢ ليمونة صغيرة
أرز أبيض أو كسكسي
الـطــريـقـــــة
خـطوة 1
نتبل قطع الفراخ بالتوابل (كمون ، كزبرة، شطة، قرفة، ملح، فلفل) وبعدها نغطيها بالدقيق.
خـطوة 2
سخني سمنة الهانم على نار متوسطة، ولما السمنة تبدأ تغلي نضيف قطع الفراخ ونحمرها لحد ما يبقى لونها ذهبي، بعدها ارفعي الفراخ من على النار وحطيها على جنب.
خـطوة 3
وطي النار وضيفي شوية من سمنة الهانم، وورق اللورا وفلفل بلدي وبصل وشوحيهم مع بعض لحد ما يبقى لونهم ذهبي.
خـطوة 4
ضيفي صلصة الطماطم ومرقة الفراخ وقشر وعصير الليمون، ولما الخليط يبدأ في الغليان ضيفي قطع الفراخ وقللي درجة الحرارة.
خـطوة 5
قدمي أوراك الفراخ سخنة ومعاها أرز أبيض أو كسكسي.
