أرز ريزو بالفراخ
580 مشـاهدة
منذ 3 سنوات
الريزو بقطع الفراخ أكلة بيحبها كل الأطفال، جربيها بطريقة الهانم الجديدة خالص وفاجئي عيلتك بغداء غير تقليدي.
حضــــــــري
نصف كيلو أرز أبيض
۲ بصلة مفرومة ناعم
٦ فصوص ثوم مفرومة ناعم
ملعقة فلفل أسود
ملعقة سمنة الهانم
نصف ملعقة فلفل أحمر حار مفروم شطة (حسب الرغبة)
ملعقة كبيرة بهارات دجاج
ملعقة كمون ناعم
ملح
۳ ملعقة مسطردة
ملعقة صغيرة كاري
۱ بيض
ربع كوب صوص باربكيو
زيت للقلي والتحمير
الدجاج المقرمش:
ربع كيلو فراخ بانيه متقطعة قطع صغيرة
بصله كبيرة متقطعة ٤ قطع
فص ثوم
كوباية دقيق
فلفل وملح وكمون وفلفل حار للتتبيلة
الـطــريـقـــــة
خـطوة 1
اغسلي اﻷرز وصفيه ونزليه في حلة وضيفي ملعقة سمنة الهانم وهو على النار وقلبيه وشوحي كويس بعدين ضيفي البصل المفروم وقلبي الخليط كويس مع اﻷرز، ضيفي الملح والثوم والمسطردة انزلي بالمياه المغلية علي الأرز لحد ما يغلي وخلي النار هادية لحد ما يتشرب.
خـطوة 2
جهزي الفراخ وحضري البصلة الكبيرة وقطعيها ٤ قطع و افرميها في الكبة مع فنجان صغير ماء.
ضيفي الملح والكمون وبهارات الدجاج والفلفل على ماء البصل وضيفيها على طبق الدجاج المقطع مكعبات وسيبيه ٥ دقائق يتتبل.
بعدين ضيفي الدقيق في بولة وضيفي عليه الملح والكمون والبهارات والفلفل الحار.
خـطوة 3
جهزي الطاسة وضيفي زيت القلي، خدي قطع الدجاج من ماء البصل المبهر واغمسيه فى البيض وبعده الدقيق.
حطيه فى القلاية وسيبيه يتحمر لحد ما اللون يكون ذهبي.
خـطوة 4
بعد ما اﻷرز يستوي قدميه في طبق غويط وضيفي فوقه قطع الدجاج وغطيه بقليل من صوص الباربكيو وبالهنا والشفا.
