الصيف محتاج أكلات سهلة وسريعة.. إزاي تعملي أرز بالفراخ في أقل من ساعة؟
424 مشـاهدة
منذ سنتين
وصفة الأرز بالفرخ
الخروج والبحر والفسح بتحلى في الصيف، وقت المطبخ بيبقى أقل ووقت الخروج والسفر بيبقى أكتر، في الصيف بنحتاج أكلات خفيفة وسهلة مش بتاخد وقت، ولأن الهانم معاكي في كل الأوقات علشان تروقي على نفسك وتوفري وقت تعملي فيه الحاجة اللي بتبسطك، جيبنالك وصفة سهلة وسريعة ومش هتاخد منك أي مجهود، وصفة الأرز بالفراخ من غير وقت كتير وبتفاصيل سهلة وبسيطة.
حضــــــــري
٣ كوب مياه
٢ كوب أرز بسمتي او مصري مغسول
نصف كيلو صدور فراخ متقطعة مكعبات
جزر وبسلة
١ بصل متوسط مفروم
٢ فص ثوم مهروس
٢ ورقة لورا
٢ ملعقة كبيرة زيت
١ ملعقة كبيرة سمنة الهانم
ربع ملعقة صغيرة كركم
نصف ملعقة صغيرة كزبرة جافة مطحونة
نصف ملعقة صغيرة كمون.
ملح وفلفل أسود
الـطــريـقـــــة
خـطوة 1
هنسيح سمنة الهانم في حلة كبيرة على نار متوسطة، وهنزود الفراخ والملح والفلفل الأسود ونقلب لحد ما لونها يتغير، بعدين هنزود البصل والثوم ونقلب لمدة٣ دقائق وبعدين نزود الكمون والكزبرة والكركم وورق اللورا ونقلب لمدة دقيقتين.
خـطوة 2
هنزود المياه ونسيبها لحد ما تغلي وبعدين هنزود الأرز والخضار ونقلب وهنسيبهم لحد ما يغلوا.
خـطوة 3
هنغطي الحلة ونسيبها على نار هادية لمدة ٢٠ دقيقة، بعدها هنقلب الأرز لمرة واحدة، بعدين نسيبها لمدة ١٠دقائق لحد ما الأرز والفراخ تستوي كويس.
خـطوة 4
نقدم الأرز البسمتي بالفراخ سخن ومعاه خضار.
