أرز بالخلطة والمكسرات
472 مشـاهدة
منذ 3 سنوات
الأرز المصري لما يتعمل بالخلطة بيبقى تحفة، جربي مع الهانم وصفة الأرز بالخلطة والمكسرات.
حضــــــــري
۳ كوب أرز مصري.
۲ ملعقة سمنة الهانم كبيرة.
۲ كوب مياه.
3 ونصف ملعقة سكر.
كوب ونصف مكسرات متحمصة مع رشة قرفة.
ملعقة كبيرة ملح.
الـطــريـقـــــة
خـطوة 1
هنغسل الأرز ونصفيه ونسيبه على جنب، في حلة على النار هنضيف السكر لحد ما يتكرمل ويدخل على اللون البني (بس أهم حاجة تاخدي بالك أنه ميتحرقش أو يبقى فاتح)
خـطوة 2
أول ما اللون يبقى بني هنضيف الأرز ونقلب وبعدين نضيف سمنة الهانم ونقلب كويس، نضيف المياه الساخنة بحيث يدوب يكون الرز متغطي بـــ۲سم.
وأول ما تغلي مع الأرز نغطي ونوطي ونسيبه يستوي لمدة ۱٥دقيقة.
خـطوة 3
قدمي الطبق سخن وعلى وشه المكسرات وبالهنا والشفا.
