أرز بالجمبري
314 مشـاهدة
منذ سنتين
جربي طريقة الهانم الجديدة خالص في الأرز بالجمبري ودوقي طعم لذيذ خالص.
حضــــــــري
– نص كيلو جمبرى متقشر ونظيف.
– بصلة مفرومة فرم خشن.
– ٤ فصوص ثوم مفروم.
– ۲ ملعقة سمنة الهانم.
– ۲ كوباية أرز بسمتي مغسول.
– نص ملعقة كركم.
– ملعقة كاري.
– نص ملعقة كمون.
– ملح وفلفل.
– ملعقة كزبرة خضراء مفرومة «للتزيين».
– ملعقة شبت مفروم «للتزيين».
الـطــريـقـــــة
خـطوة 1
هنحط ملعقة سمنة الهانم في طاسة ونسيبها على النار لحد ما تدوب خالص وهنضيف الجمبرى والثوم المفروم ونقلب كويس، بعدها نضيف الملح حسب الرغبة وأول ما يوصل لمرحلة التسوية نرفعه من النار ونسيبه على جنب.
خـطوة 2
هنحط ملعقة سمنة الهانم في حلة، أول ما تدوب ننزل بالبصل لحد ما يبقى لونه ذهبي، نضيف الأرز ونشوحه مع البصل ونضيف كل التوابل «الكركم – الكمون - الكاري – الملح - الفلفل» ونقلب كويس.
خـطوة 3
وبعدها نضيف المياه لحد ما تغطي الأرز علشان التسوية تبقى مظبوطة وأول ما الأرز يتشرب نضيف الجمبري ونوطي النار لحد ما يستوي.
خـطوة 4
قدمي الطبق سخن وعلى وشه بقدونس.
