وصفة الكبدة الجديدة خالص مع الهانم الجديدة - El Hanim

وصفة الكبدة الجديدة خالص مع الهانم الجديدة

اعجــاب
266 مشـاهدة
منذ سنتين
الكبدة اللي كلنا بنفطر بيها اول يوم العيد بطريقة جديدة خالص مع الهانم الجديدة خالص.
اهلا بيكم يا هوانم في وصفات الهانم الجديدة خالص، هنعمل اكلات ووصفات بافكار جديدة مختلفة هتفرق معاكم والنتيجة هتكون قصة تانيه خالص
النهاردة هنعمل وصفة فطار العيد، هنجرب وصفة جديدة خالص وكلها اختراعات للكبدة بطريقة سهلة وسريعة، جاهزين يا هوانم

حضــــــــري

سمنة الهانم
توابل تتحمص في نفس وقت الطبخ
(ملعقتين كمون – ملعقتين فلفل حصى)
ملعقة شطة كبيرة، ملح وفلفل اسود مطحون حسب الرغبة
ربع كوباية صويا صوص
ربع كوباية جنزبيل فريش متقطع
٥ فصوص ثوم
٢ فلفل رومي اخضر
٢ فلفل حامي احمر واخضر
كرات
كيلو كبدة فرش
ليمون اختياري
 

الـطــريـقـــــة

خـطوة 1
أول حاجة يا هوانم وأهم حاجة نتخلص من كل الغطاء والعروق اللي على الكبدة وجواها.. علشان الكبدة متكونش بتشد وطبعا كل ما يتشال الغطاء والعروق وهي طازة كل ما يكون احسن هتبقى سهلة و هتستوي تسوية مظبوطة ضروري نشيل اي كتل دموية ونبدأ نقطعها شرايح صغيرة علشان متاخدش وقت في التسوية خالص نقطة مهمة يا هوانم، البهارات لازم تتحمص اول باول يعني مينفعش نحمص كمية كبيرة على الاقل اسبوع باسبوع
خـطوة 2
"في طاسه على النار هنحمص الفلفل الاسود واول ما نسمع الطقطقه بتاعته نحطه على طول في الهون، الكمون مجرد ما ابتدي اشم ريحته على طول اضيفه للهون، دي هتكون بدايه التتبيلة بتاعتنا -هنضيف معاها ملح لانه بيصنفر الحاجات كلها مع بعض وهنحط معاها 5 فصوص ثوم وملعقة شطة كبيرة وقطعتين فلفل احمر ونطحن كل ده مع بعضه كويس خالص
خـطوة 3
في طاسة كبيرة وسخنة جدا هنضيف ملعقتين سمنة الهانم المرملة وبعدين ننزل بالكرات المتقطع دواير صغيرة وبعدها ننزل بالكبدة على طول "بحركة سريعة لان الكبدة مش بتاخد وقت في التسوية"
خـطوة 4
ننزل بعدها على طول بالجنزبيل الفريش المتقطع ونضيف خلطة التوابل الفريش والثوم والفلفل اللي ضربناهم في الهون واول ما الريحة تبقي عالمية تعرفي انك ماشية صح خالص ونبدأ نقلب كويس جدا
خـطوة 5
نضيف الصويا صوص والفلفل الحامي الاحمر والاخضر والفلفل الرومي اللي متقطع ناعم ورفيع ولو عايزة تضيفي ليمون اختياري في النهاية يا هوانم هنكون عملنا طبق كبدة جديدة خالص هيناسب ذوقكم رغم مكوناته اللي كلها جديدة وطريقته المختلفة اللي تنفع عزومة جميلة لأصحابكم في العيد وبالهنا والشفا يا هوانم وكل سنة وانتم طيبين

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً