دلوقتي يا هوانم احنا دقينا الثوم والفلفل الاسود والملح، هنتبل الكتف الضاني المتكسر (خلوا الجزار يكسرلكم الكتف كده زي ما انتوا شايفين بس من غير ما يفصل كل حاجة من بعض)، هناخد كل التتبيلة الحلوة دي ونتأكد ان التتبيلة بتدخل في كل حته وفي اللحم نفسه.. الريحة بتاعة الثوم والفلفل الاسود مش طبيعية وكمان شوية زعتر بعد ما تبلنا، هنلف لفة البونبوناية اللي قولتلكم عليها. هنجيب طبقتين فويل وعليهم ورق الزبدة وقبل ما ندخلة الفرن هندهن الوش بسمنة الهانم الجديدة خالص، حتة السمنة دي يا جماعة هتخلي الوش مقرمش جدا ونقفل عليها كويس واخر ورقة تتقفل العكس واخر حاجة خالص لفة البونبوناية. كده البونبوناية جاهزة، هتدخل الفرن على درجة حرارة ۱٦۰ لمدة ساعتين.

دلوقتي يا هوانم احنا مجهزين كل حاجة، الرز واللحمة يلا نعملهم لانهم سهلين ومش هياخدوا مننا أي وقت هنعمل الاتنين في نفس الوقت يلا بينا: الرز الاول: هنحمر للرز بصلة مفرومة بس الاول هنستخدم سمنة الهانم الجديدة خالص، ملعقة كبيرة وهننزل بالبصلة علشان عايزين نديها لون خفيف خالص، يدوب تتدبل مننا، انا مش عايز البصل ياخد لون جامد، هننزل بالحبهان ورق اللورا عود القرفة ومعانا ۳ دبابيس قرنفل هناخد، ٤فصوص ثوم زي ما هما بحالهم وشوية فلفل اسود حصى، اول ما البصل يبدأ ياخد اللون الذهبي هقوم نازل معاه بالبسلة والجزر، اخر حاجة قبل الرز على طول هنزل بالمشروم زي ما هو ولما تيجي تقلبي هتلاقيه بيتكسر معاكي، هنزل بالرز بتاعي على طول الرز بتاعي مغسول ومنقوع وننزل بالمياه السخنة، اول ما يبدأ يتشرب هنغطي عليه ونسيبه على اقل شعلة بس قبل اي حاجة هنحط شوية ملح صغيرين وهنحط بهار لحمة على الرز وعلى اللحمة المفرومة.

وقت العصاج بقي هنعصج اللحمة المفرومة (لحمة مفرومة - ملح - فلفل اسود - بهارات اللحمة - بصلة مفرومة ناعم خالص - عود قرفة - لورا - قرنفل - ثوم مفروم). هنبدأ بسمنة الهانم الجديدة خالص ننزل بالبصل على طول، خلي بالكم دلوقتي انا مش عايز البصل ياخد لون، مجرد ما يدبل هو ده اللي انا عايزه، هننزل بالحاجات كلها مره واحدة لان في ناس بتبدأ باللحمة المفرومة الاول انا بس هنكه السمنة بتاعتنا وبعد كده هنزل باللحمة على طول علشان تتكرمل وتاخد اللون بسرعة، ورق اللورا ۳ او ٤ حبات فلفل حصى ومعانا الثوم متقطعين شرايح علشان عايزه يبقى له قوام في الاكلة نفسها، عايزه يبقي باين، احنا كده جاهزين للحمة على طول، هو ده الصوت، عايز اللحمة تنزل تعمل صوت لان مجرد ما اللحمة لونها يتغير بتبدأ تتكرمل (اللحمة لما تتكرمل وتديني لون هو ده الطعم) وتبدأ الريحة تطلع كده وهنحط الملح والفلفل الأسود، اخر حاجة هنحط بهار اللحمة اللي حطيناه مع الرز ، كده لحمتنا المفرومة جاهزة هي والرز خلاص.

تعالوا اوريكم بقى أحلي حتة لحمة دايبة في الدنيا، خلوا بالكم لانها هتبقي سخنة، طبعا هي طلعت لوحدها الورقة، شايفين الوش عامل ازاي، اللحمة بتفك من غير حاجة. دلوقتي خلصنا حتة اللحمة الدايبة دي، تعالوا بقى نخلطها مع شوية الرز اللي مليان خضار وبهار مع اللحمة المفرومة علشان نبقي جاهزين للحشو يلا بينا: هنحط الرز واللحمة المفرومة مع اللحمة الضاني المتفتتة، هنميكس ده كويس.

يلا نعمل الجلاش بتاعنا: هنجيب جلاش عادي جدا بس في نقطة مهمة متفردوش الجلاش كله مره واحدة، هنعمل طبقة طبقة لان الجلاش هينشف بسرعة، هندهن كل طبقة بسمنة الهانم الجديدة خالص خليكوا كرماء في السمنة وفي الجلاش بالذات.. نقطة مهمة احنا دهنا خلاص اول طبقة البولة نفسها اللي هنحط فيها الجلاش ونفرده، لازم هي كمان تدهن بسمنة الهانم لسبب لانها في الاخر ممكن تلزق ولو لزقت هيبقي صعب اوي اننا نخرجها. يلا نحط اول طبقة من الجلاش وهنقفل الاربع جوانب كلهم، اخر واحده هندهنها وش وضهر لانها دي اللي هتمسك، خلصنا حشوتنا يا هوانم يلا نقفلها كويس علشان خاطر هنديها وش سمنة تاني. وبعدين هندخلها الفرن من ۲۰ الى ۲٥ دقيقة على درجة حرارة من ۱٤۰ الى ۱٦۰ احنا كده خلصنا طبقنا يا هوانم، تعالوا بقي نفتح ونشوف البهاريز وهي نازلة (صوت القرمشة في حد ذاتة عظمة) طبعا وهمية وريحة السمنة مفحفحة فيها عظمة، جربوها يا هوانم ولو عجبتكم اعزموا اصحابكم عليها