وصفة الارز المعمر الجديد خالص مع الشيف محمد صلاح - El Hanim

وصفة الارز المعمر الجديد خالص مع الشيف محمد صلاح

اعجــاب
8٬738 مشـاهدة
منذ سنتين

اهلا بيكم يا هوانم في وصفة جديدة خالص مع الهانم الجديدة خالص، النهاردة هنعمل وصفة الرز المعمر كما لم تروه من قبل، هنعمل شوية رز معمر بالزبدة والشوربة والكريمة والقشطة، شوية حاجات عجب وهنحط معاها فرخة محشية، وصفة تجري الريق، يالا بينا

حضــــــــري

– سمنة الهانم
– فرخة صغيرة (٦۰۰، ٧۰۰ جرام)
– قشطة بلدي (۱٥۰جرام)
– مرقة
– نصف كيلو رز مغسول وجاهز
– ۲ معلقة صغيرة سماق
– ١ بصل كبيرة شرايح
– ٤ حبهان
– ۳ فصوص مستكة
– ورق لورا
– ملح
– فلفل اسود
– قرنفل
– كريمة لباني
– ۲ معلقة سماق

الـطــريـقـــــة

خـطوة 1
هنتبل الفرخة، هناخد البصل وعليه معلقة ملح، فلفل اسود والسماق ونقلب التتبيلة ونضفها على الفرخة الصغيرة، لانها هتستوي بسرعة مجرد ما نحمرها وبعدين نحطها في الطاجن، وقت ما الطاجن يستوي هي كمان هتكون اتعملت. بس احنا لازم في الأول نديها تشويحه على النار علشان تديني لون، اظن عارفين ليه قولنا لون لان اللون يعني طعم.
خـطوة 2
بعد ما تبلنا الفرخة تعالوا اقولكم فكرة جديدة، احنا كده كده هنشوح الفرخة في الحله اللي هنعمل فيها الكريمة واللبن والشوربة يلا نشوف هنعمل ايه: هنبدأ بسمنة الهانم الجديدة خالص، هاخد معلقة كبيرة في حلة على نار عالية وننزل بالفرخة وننزل معاها بعود قرنفل ومعاها المستكة والحبهان، خدوا بالكم انا مش عايز اوصل لمرحلة ان السمنة نفسها تتحرق انا عايز اوصل ان الحاجة تبقي مظبوطة حلو، متعلوش النار ومتشوحوش زيادة عن اللزوم.. ريحة المستكة مع سمنة الهانم عظيمة.. بعد ما تاخد اللون اللي انا عايزه هنرفعها على طبق جانبي.
خـطوة 3
هننزل بالزر في نفس الحلة ونقلب وبعدين نضيف المرقة، يدوبك تغطي الرز وتعلي النار لحد ما يبدا الرز يتشرب شوية، هننزل بالكريمة مش اللبن علشان طعم الكريمة القشطة ده يبان اكتر حوالي ربع كوباية كريمة لباني وربع كوباية لبن ونضيف الملح قليل علشان فيه على الفراخ ونزود رشة فلفل اسود كده يبقى الرز المعمر جاهز يدخل الفرن.
خـطوة 4
في بيركس هنحط في قلبه الفرخة ونحطها بالرز المعمر ونغرقه بسمنة الهانم والقشطة من على الوش ونضيفه في الفرن مش اقل من نصف ساعة. زي ما شوفتوا طاجن الرز المعمر وهو طالع من الفرن والقشطة على الوش عمالة تبقلل وجواه فرخة محشية، جربوها هتنبسطوا وتبسطوا كل اللي حواليكم وبالهنا والشفا يا هوانم Mohamed Salah El Dine

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً

تعليق واحد