اسمعي مني يا هانم سر من أسرار البشاميل وهو غلي اللبن مع البصل الابيض والقرنفل وورق اللورا والفلفل الأسود والبقدونس السليم، وبعد ما يغلي اللبن بنصفيه عشان نضيفه على معلقتين الدقيق اللي حمرناه في معلقتين سمنة الهانم لحد ما وصل للون الدهبي وبشرنا عليه جوزة الطيب ونقلب لحد ما نوصل لقوام البشاميل المناسب.

لازم يبقي مقدار الدقيق نفس مقدار السمنة خلي بالكم وبعدين نبتدي نجهز خليط الحواوشي.. نشوي الفلفل الأحمر على النار ونقشرة ونقطعه ونخلطة مع اللحمة النية وده بيدي طعم الباربكيو لخلطة الحواوشي ونخلط مع اللحمة ني في ني الطماطم والبصل والفلفل الحامي والفلفل الرومي والبقدونس وباقي التوابل المكونة من جوزة الطيب و الكبابة الصيني و الشطة و الفلفل الاسود و القرنفل والفلفل الأخضر و الاحمر الحار

ونبتدي نرص الصنية طبقة بشاميل وبعدين طبقة مكرونة مسلوقة وبعدين طبقة الحواوشي وبعدين طبقة مكرونة وآخر طبقة من البشاميل، وطبعا ممكن تضيفي جبنه لو حابه يا هانم. و ندخلها فرن سخن علي درجة حرارة ماية و سبعين لمدة ساعة جربوا يا هوانم وصفتنا الجديدة خالص ومستنين رأيكم.