حضــــــــري
– سمنة الهانم الجديدة خالص
– عدس اصفر
– أرز
– كزبرة متحمصة ومطحونة
– فلفل أسود
– فلفل رومي
– فلفل أخضر وأحمر حامي
– مرقة
– بيض لمسلوق
– طماطم متقشرة ومتشال منها البزر (كونكسيه)
– بصلة مبشورة
– حبهان
– كمون كتير
– ۳ فصوص ثوم
– ورق لورى
الـطــريـقـــــة
خـطوة 1
أول حاجة يا هوانم هنبتدي بالسمنة والبصل المبشور، هنحط السمنة تسخن ونديها بصل في الأول وبعدين ننزل بورق لورى خمسة كده ستة انتي ومزاجك يا هانم وفلفل اسود حصى ومعاهم حبهان ونشوحهم شوية في سمنة الهانم الجديدة خالص وياسلام على الريحة.
خـطوة 2
هنخلط العدس على الرز في الطبق نفسه قبل ما ننزله في الحلة وخلي بالك من مقدار العدس اللي هتحطيه بيبقى كوباية عدس لأربع كوبيات رز وبعدين انزلي بيهم في الحلة وسيبيهم يسخنوا شوية.
ودلوقتي جه وقت المرقة، هنحطها وهي سخنة عشان تنزل تزغرط وعليها 3 فصوص ثوم وكمون كتير ونقلب كويس وأول مايبتدي يتشرب هنغطيه ونسيبه على أقل درجة عين بوتجاز.
خـطوة 3
وبعد ما نخلص الكشري الأسكندراني هنعمله طشة صغيرة وهنعمل جمبه شوية بيض مدحرج وشوية طماطم متبلة عظمة.
الأول هنضيف معلقة من سمنة الهانم الجديدة خالص في الطاسة ونسيب السمنة تسيح لحد متشمي ريحتها المفحفحة وبعديها علطول هندحرج البيض المسلوق وسيبي الباقي على سمنة الهانم هي هتقوم بالواجب.
خـطوة 4
هنجيب طاسة تانية للطشة ومعلقة سمنة الهانم وننزل بعديها بالثوم والطماطم وعليهم الفلفل الرومي وقلبيهم في السمنة ولوعايزة تضيفي شوية فلفل أحمر وأخضر حامي وعليهم كزبرة مطحونة وناعمة وتقلبي تاني ومتنسيش الخل وبعديها هتقفلي النار على كده.
فاضل بس ننزل بالطشة على الكشري وجمبها البيض المدحرج وشوية طماطم متبلة وبكده يبقى طبقنا خلص يا هوانم.
جربوها وقولولنا رأيكم في الكومنتات واستنونا في وصفات جديدة خالص مع الهانم الجديدة خالص.
مـواضيـع تـانيـة تهـمـك يـا هـانـم
تلفزيون الهانم
