في الوقت الفاضي اللعبي مع أطفالك لعبة حلوة خالص ومسلية

لو مش فاكره لعبة 8 المجنونة الهانم هتفكرك بيها

أول حاجة هتوزعي الكوتشينة على كل إللي بيلعبوا بالتساوي

عدد اللاعبين 4

خمس كروت لكل لاعب

بنسيب ورقة واحدة على الأرض

باقي الكوتشينة بتفضل موجودة، بنسحب منها في حالة لو احتاج اللاعب للأوراق أو مش معاه نفس الورقة إللي موجودة على الأرض

 اللاعب الأول بيرمي نفس الورقة الموجودة على الأرض وبعدين اللاعب إللي بعده وهكذا

بس لو معاكي رقم 8 تقدري يا هانم تتحكمي في الرقم إللي هينزل وتقولي انتِ محتاجة رقم إيه ينزل

وطبعا أول لاعب يخلص كل الورق إللي معاه هو الفايز .