شرايح لحم البروكلي - El Hanim
شرايح لحم البروكلي

شرايح لحم البروكلي

اعجــاب
445 مشـاهدة
منذ سنتين
وصفة شرايح لحم بالبروكلي #بهاريز_صلاح
مساء الفل يا هوانم، النهاردة هنعمل طبق صحي ولذيذ وفي نفس الوقت سريع وبيقوي المناعة، مكوناته موجودة في أغلب البيوت، هنعمل وصفة شرايح لحم بالبروكلي والجنزبيل والثوم، وجبة مليانة فيتامينات ومضادت أكسدة وزنك وحديد وكمان نقدر نبدل اللحمة بالفراخ وبنفس الطريقة.

حضــــــــري

 هنسلق البروكلي في مياه بملح لمدة دقيقتين ونرفعه على طول ونحطه في مياه بثلج لمدة 5 دقائق وبعدين نرفعه ونصفيه (الخطوة دي مهمة عشان بتحافظ على لون وفوائد البروكلي).

الـطــريـقـــــة

خـطوة 1
في طاسة عميقة هنقطع شرايح اللحمة، يفضل تكون من الكولاتة او السمانة "قولي للجزار كده” بتكون شرايح رفيعة وقطعية طرية هتستوي منك في 5 دقائق حرفيا بالذات عشان هما رفيعين، نتبل نصف كيلو شرايح اللحمه بملح، فلفل اسود، معلقتين صويا صوص ومعلقة دقيق صغيرة، نسيبهم لمدة 5 دقائق يتتبلوا فيها (الدقيق هيدينا صوص حلو وتقيل للحمة).
خـطوة 2
في طاسة عميقة نحط معلقتين سمنة الهانم ونسخنها كويس وننزل بعد كده بشرايح اللحمة، نشوحهم كويس ونرفعهم من على النار وننزل ببصلة مفرومة ناعم تتشوح من غير ما تاخد لون (تدبل بس) وبعد كده ننزل بشرائح الجنزبيل المتقطع رفيع خالص لحد ما ريحته تبان.
خـطوة 3
هيبقى طبق لذيذ جدا وسريع مايخدش وقت وفي نفس الوقت مليان فوائد صحية ومقوية جداً للمناعة ونقدر ناكله مع شوية رز ابيض او بالشعرية. ممكن لوعايزه نزود كريمة او لبن جوز هند حسب الرغبة او ممكن نستبدل اللحمة بالفراخ وبالهنا والشفا يا هوانم، مستنيين رايكم بعد ما تجربوها كتب بواسطة الشيف وناقد الطعام محمد صلاح

مـواضيـع تـانيـة تهـمـك يـا هـانـم


اشترك فى القائمة البريدية ليصــلك أخــر الاضـافــات وأخــر الوصفـــات

اترك تعليقاً

تعليق واحد