سر البيوت المريحة فين..؟

  خطوات مهمة عشان راحتك في البيت

بيشغل بال الهوانم دايمًا، إيه هو سر البيوت المريحة فين..؟ وإزاي البيت يكون مريح وهادي خالص من غير تعب ولا خطوات كتير؟ السر دايمًا بيكون في ترتيب البيت، وتنظيفه بشكل دوري، لأن تأثير النضافة دايما بيكون إيجابي على العيلة كلها و بيساعدك تتغلبي على التوتر والقلق، افتكري شعورك وقت لما يكون المواعين مغسولة ومفيش ولا طبق مش نضيف في الحوض.

لو بيتك مُريح.. بالك هيبقى مرتاح 

خليكي دايمًا عارفة إن الراحة بتقوي المناعة، والراحة مش معناها الكسل، لكن الراحة إنك تعملي شغل بيتك وبالك مرتاح ومن غير صعوبة ولا كلكعة، علشان كده الهانم هتقولك على كام فكرة للبيت مهمة خالص:

أهم الخطوات عشان بيتك يبقى مريح خالص

• اعملي لكل درج احتياج واحد أو على حسب تقسيمة البيت (المهم تبقي عارفة حاجتك فين من غير كركبة كل الحاجات فوق بعض)
• افرزي كل حاجة في البيت مع أطفالك ورتبيها بشكل سهل وبسيط
• في تغيير الفصول افرزي الهدوم مع أطفالك واعملي 3 صناديق فيهم الهدوم اللي مش محتجاهم:
• رقم واحد للتبرعات “اتبرعي بالهدوم الكويسة، واللي إنتِ مش بتستخدميها وعلمي أطفالك مشاركة الخير.
•  اتنين.. لإعادة التدوير،  “ممكن تبدعي مع أطفالك باختراع حاجات جديدة من حاجاتك القديمة”
• رقم تلاتة.. الهدوم إللي مالهاش أي فايدة، يبقى لازم نستغنى عنها خالص

شاركي معانا يا هانم فكرة لترتيب البيت عشان بيوت الهوانم تفضل مريحة خالص..