جربي كده تزرعي الخضار إللي دايما بتحتاجي له في المطبخ يا هانم  هتحسي إحساس الانتصار.. النهاردة الهانم هتقولك إزاي تزرعي أهم خضار بتحتاجيه “إزاي تزرعي الثوم في البيت”

– أول حاجة هنستخدم راس ثوم متفصصة بس من غير ما نقشرها من قشرتها

– هنجهز الأسمدة الطبيعية إللي هنشتريها من مشتل قريب من البيت أو محل بيبيع أدوات زراعة

– لو هتزرع الثوم في حوض هنبدأ نعمل حفر بعمق 10 سم ونحط في كل حفرة فص ثوم بقشره ولازم يكون في  مسافة  فاصلة ما بين كل فص وفص حوالي 15 سم

أهم حاجة يا هانم تاخدي بالك من النقط دي

– أفضل وقت لزراعة الثوم فصل الربيع أو الخريف

– لو كنتي هتزرعي في أصيص أفضل حاجة  يكون حجمه 3 لتر على الأقل وكمان  ميقلش عن 25 سم.

– لو كنتي هتزرعي في جنينة البيت، المفروض تكون المسافة بين خطوط الثوم 30 سم علشان يكون فيه مساحة لنمو الثوم

– موعد حصاد الثوم  بعد 3 شهور من زراعته.