الهانم هتقولك على الخضار والفاكهة إللي هتحافظ على مياه الجسم طول وقت الصيام
– الخيار  بيحتوي على كمية عالية جدا من المياه الطبيعية، بيمد الجسم بكل الفيتامينات إللي بيحتاجها الجسم خلال اليوم غير إنه بيساعد على التخلص من السموم المتراكمة خارج الجسم.
– الكرفس بيساعد على حماية الجهاز الهضمي لأنه بيحتوي على 95.4 %من المياه، بيقلل من ارتفاع ضغط الدم خليه دايما في أكلاتك وممكن يدخل في صلصة المكرونة وممكن فى السلطة أو في أي شوربة

– الفجل بيحتوى على 95% مياه، نسبة كبيرة من فيتامين (سي)، كمان بيحتوي على الفسفور والزنك.
ومهم جدا للأنسجة وبيرطب الجسم وبيخلي جلدك منتعش وناعم طوال الصيف.

– الطماطم بتحتوي على 94%من المياه، تناول الطماطم بيحمي بنسبة كبيرة من حروق الشمس.
وكمان الطماطم مصدر للكروم إللي بيساعد على تنظيم مستوى السكر في الدم.

– الكوسة بتحتوي على نسبة كبيرة من المياه، بتعمل على ترطيب بشرتك.
ده غير إنها غنية بالألياف المرتفعة وكمان هي من الأكلات إللي فيها الطاقة الغذائية منخفضة.

– البطيخ معروف بترطيب الجسم ، لأنه بيحتوي على 91 % من المياه، كمان بيحتوي على الألياف.. ده غير إنه بيساعد على تجنب الإمساك، وبيقوي من صحة الجهاز الهضمي، له تأثير قلوي على الجسم، وبيقلل مخاطر الإصابة بأمراض الجهاز الهضمي وبيقلل من ارتفاع مستوى الأحماض في الجسم

– الفراولة بتوفر أكبر قدر من فيتامين (سي) وكمان بتساهم الفراولة بشكل كبير في ترطيب الجسم، لأنها بتحتوي على 91 % من المياه، كمان بتمدك بفيتامين (ب) وحمض الفوليك.